Read Wancho Naga Hwon-Nwot-Jaono 10 Bible Online

Hwon-Nwot-Jaono 10 - Wancho Naga bible

Hwon-Nwot-Jaono 10

¹Hwot mangbue ongan müikya münga othua makhange ama awüt ang tsuak, ilaxle amoküsa ongate achongkya je chichangkya ang zing ang tsuak.

²Je füikya mixe changkya mwot mok angkya ilaxle ongat khünake thaikya mwot mok angkya jaopo ang changle tüile.

³Hwom ongat a lomba to apongkya wünpa tuitae ngaxchu ngün ang kople; hwome noknusa hama hwom ongat-ongüi awan ang tomle.

⁴Nang pünpa-chongwang nang füi ma-shixle jangtüi, nange nang mwot danle taxtox; nang dangle jangchang thüiningle zongbakle thaikya ngaxchu alak ang tsuak.

⁵Ikhama kue chaxwannu ma ngünkya chisukya kaxfün tüile—apün-awangkyabue fakya chisukya kaxfün a.

⁶Ongatbu ang a okax-okho ngwotnuibu kox ikoxle ahak-aluale tüikyabu a ahaile tox.

⁷Dabu a mankho ma ikoxle alixachongbu a hax ma cha ma ahamle ngokya kue ngünle.

⁸Nange tswon thole jangchang, nang a ija ma dütüi; nange katuk wole jangchang, pu tuitae nang to tule.

⁹Nange long thokya kha mwot mokle jangchang, longbu ma nang thomzünle. Nange pün afile jangchang, ija amokkya ma nang maklaxle.

¹⁰Nang wa a aneün ikoxle nange ija wunle chianax, nange ija füi zongzong matix moktsuaküi. Moküi thoto wüi mwotlom zingle kopkya sümüi.

¹¹Owangma wüi nange pu ang atsütle jangkopdao thüiningle nange pu jik ang awanle ngokya chem lap.

¹²Jepabue chem zang wünpuix ijae hwom ang münchong apüile, ikoxle ongatbu a hwom kax makhange thama apong angkya laile.

¹³Hidaoküsa kax makhange hwome zangwün owang wang ikoxle ongat-ongüi zangwün ma shu.

¹⁴Angae zang owün-owünle wünle. Füichi ma chemle chang angkya hex ija owaechu müntik, ilaxle kem zile pao füima chem chang angkya hex owaechu wünle fa ang müntho.

¹⁵Ma hom to nguikya lom ngaxchu chiatak tsuakkya ongat züizüietix ma mwot dantoxlaxle mongthangle ngo ang tsuak.

¹⁶Chemtue wanghom tuita a naosün changpuix tamchu ija lompabue zang angaile sax-lingle ngopuix, ija haxtok a thama ma tüile.

¹⁷Ikoxle mae alüile ma hanpak mongzangwün ang thokya wanghom tuita tüi tamchu lompabue otuthüt ma sax-ling ilaxle jutok-saxngale chichang homtoxle ma alüile akumathumle tüipuix, ija haxtok a osho müikya haxtok changle.

¹⁸Chemtue nang ma hom thap ang ngaxchu chithole zaxkaküihex, ija hom ma watti dongüi, ilaxle ija hom tsunle paoüi.

¹⁹Sax-lingle changkyae nang ang mong amüile ilaxle julingle changkyae nang pwonla dong ang tomle, ikoxle nang ma ngun chitüi thüiningle nang ma ija tütapuchu müntüi.

²⁰Huxsa ma ngaxchu Wanghompa ajao-adale taxchang, ilaxle nang nuilua tokhange ngaxchu hakpa-luapa adale taxchang. Owatsing, nange wünkya zangwün o-na juxna to dongüi ilaxle ijae hwom alople bangüi.