Read Wancho Naga Hwon-Nwot-Jaono 2 Bible Online

Hwon-Nwot-Jaono 2 - Wancho Naga bible

Hwon-Nwot-Jaono 2

¹Kulualua to mongmüi ngo angkya tamchu mongmüi chem hex ija lomle atak angkya kue mongzangwün. Ikoxle kue ija machu laxli chemchu müntüile atak.

²Akhongle nyikya ongat changale kue atak, ija mongmüie nang to omüi chemchu mokle münkox.

³Je-hi-hwon to sungkya ku monge ku jikle paolaxle, kue ju-khan füi ku mong apwon-ala sele hanpak omüi lax angkya ku mongto mongzangwün. Ija chaxwannu ma khünaknue, ma tsün jantakya hanpak alyet angkya sümüikya lom ija wüi changüile kue thüt.

⁴Kue chongkya mwot mokle tsuak. Kue ku hanpak ang hom-haxbu zingle alai ilaxle grep haxtokbu zaile alai.

⁵Kue küili-wüli pangwüi akiakle hia pünziak-laimobu zaile alai;

⁶Kue ibu to ti apüi angkya hanpakma tilom züile apaüi.

⁷Kue dabu huanuma shakle lax, iboma hom ma pux-paile changkya dabu chu huanuma tüikya. Jerusalem ma ngole tüikya pangnusa to kaile tsom-pom ku ma tüikya.

⁸Kue wanghom suakthong ma, kue apünle tüikya haxtok angkyabu khop hia hun huanuma athütle dan. Ku apwon-asa ang lüka-sheko pangwüi tsaingao, ilaxle lüka tuitae laxse tsukya tukuxle shekobu ku ma bakle tüikya.

⁹Changle, ku a huanuma chongle tüikya, Jerusalem ma ngole hüidaokyabu pangnusa to kaile, ilaxle ku jetax-hwonnüi-e ku mong chiatho.

¹⁰Kue chem laxse tsupuix, kue koppu. Mongmüise tsukya olom pangwüi to kue ku mong dan. Kue mokdaokyabu pangnusa hanpakma ku mong ngamle nui, ilaxle ibu pangwüi ku hingho changkya.

¹¹Ifüima kue tsuakle hüidaokya mwot tamchu ija mokle alai ang tüle azongle mokle hüidaokyabu bama ajangle ano pongma, ija a chem ngaxchu chichang angkya, tuita zangwin füito zikle ngokya chang-a le kue ajangle lax.

¹²Wünhax thükoxle, wanghom tuitae chix tho angkya wanghome chem mokle lepuix ijatix moktsuaküi wüi chang koxpu. Ikhoma kue jetüi-hwonlangle chang koxba chichangba ongat-ongüi ang chang koxba chemle changse ibu bama ajang ang süt.

¹³Oh, kue awanle: “Chemle zangnak füi zangngai wüi amüikya hex ija lailaile ongat füi a jetüi-hwonlangkya wüi amüikya changpu.

¹⁴Jetüi-hwonlangkyabue hwom le angkya lomtang ngün ang tsuakle ikoxle ongatbue ile münngün tsuak.” Ija ningkya oshoe kem tanle ngole le kue awan ngopu.

¹⁵Kue ku bama alüile ajang: “Ongatbu to chemle changpuix ija ku tochu chang angkya changle. Ikhoma ku tüle jetüi-hwonlangle chang koxpi chem lap?” Kue lan: “Olüi chemchu müntüi, tuita chu müntüi.”

¹⁶Jepa owaechu akhaxle münthom ija ningle ongatchu noknusa alakdaoa. Athax füichi ma, kem pangwüi alakle asamdaoa angkya changle. Jepa wüi changlax ongat wüi changlax-kem pangwüi zile pao angkya tomtom.

¹⁷Idaile ku zongto kem tsün a chemchu münchang, chemthüikoxle ima atüitüi pangnu lie ku hato sikngün boma chemchu apüile münfa. Ibu pangwüi chilaxli changhupu; Kue a zangwin achuale ngopedai.

¹⁸Kue chempang hanpakma mokdaopuix tamchu kop-lo laxle athün thomdaopuix, ibu ku zongto chem angchu münchang, chemthüikoxle kue ibu pangwüi tokfüi angkya khünakbu chak to dantox dao angkya atsingsho,

¹⁹ilaxle ija khünak a jepa wüi changtüi chichangba anga wüi changtüi: owa tsing? Tütale wüi chang koxle ija chaxwannu ma ku je-hwon makhange kue mokle alaidaokya komkaile chix kux ang changüi. Ija ma ku zongto laxli chemchu chitüi.

²⁰Ikhoma kue mokdaokya bama münazong ngo haxkuxdai le thüt.

²¹Nange tütali nang je-hwon, tsingkya hia awankya pangnu füi mokle alai, ilaxle ija nange, ija bama chem mwotchu chimokle chang angkya mix owawa chak to danle tox angkya lai. Ima laxli chemchu müntüi, ilaxle ija a sukya olom münchang!

²²Nange mwot mok ilaxle tsünjang masule nang abüt-abanle hüi, ilaxle nange ija bama aho angkya chem tüi?

²³Nang ozün ma ngokya kople, nange mokle alaikya oli pangwüie nang hato khosam hia khangza ma kakkya hünlit boma chemchu apüile chifa. Awünningle ngaxchu nang khüzi ang nazak chifa. Ibu chemchu laxli müntüi.

²⁴Keme athündaokya sax-linglaxle mongmüi-pwonlale ngo angkya, ija tix keme moktsuak angkya sümüikya mwot changpu. Ikoxlechu, kue texle atakpu, ija ngaxchu Zang tokhange tix hüiwüi.

²⁵Nang lualua to saxlaxle mongmüi ngo angkya nang ma chemtüi?

²⁶Je-hwon, tsing-wankya, ilaxle mongmüi a Zang-e chix mong amüikyabu ang koxle, ikoxle chixe ochax khünakbu ang kop-lo angkya hia tsyenle twon angkya bama mwot mok ang tomle, ikoxle tix chixe ma mong amüikya mix ang koxtsuak angkya chang koxle. Ima laxli chemchu müntüi. Ija a zangwin füito zikkya thatha changpu.