Read Wancho Naga Hwon-Nwot-Jaono 6 Bible Online

Hwon-Nwot-Jaono 6 - Wancho Naga bible

Hwon-Nwot-Jaono 6

¹Ija chaxwannu ma chisukya mwot khünzu lüwüi mokle tsuakkya kue ngündaoa.

²Zang-e kem ang tuina, münchong, ilaxle tingtok ibu faüi, changle, keme laxse tsukya pangwüi, ikoxlechu ibu füi kem ang mongmüi ang chitomüi. Itülüi ija füi owawa mixhing tuita ang mongmüi ang tomüi. Ija ma laxli müntüi, ilaxle ija sukya münchang.

³Kem ang naosom hwom oho to lünle pux-paile chu chang koxlax ilaxle kem tsünlo zaknui lechuwüi ngokoxlax, ikoxlechu kem tsünlole ngokya ma tüikya münchang, keme kem mongmüi süntom chikop thüikoxle tamchu haxmüi-zangmale akhün ang chikop thüikoxle, kue thüipu, ile changkya füi a oti-okuak ma paokya wüi si.

⁴Alakle awütdao angkya zangnak fangto amüt-asamkya füi, nao a chipuxkya wüi si.

⁵Ijae anyixningkya zangngai chingün tsuak chichangba tsün ma müikya oli awan ang chikop, ikoxlechu ijae nazak thüingaxchu kople—

⁶ija a khünak tuitae chix zanglao hajat anyi to nüile ozün ma ngokoxchu, chixe tsün ma mongmüi chikoptsuak. Changle, hokhi pangnyi kat onui tuita to ka angkya changle.

⁷Keme kem mwot pangwüi tütali sax ang kop angkya hanpakma mokpu, ikoxle chemtuechu kem ang okhonguikya tam chitüitox.

⁸Jetüi-hwon-langkyabu a ongatbu füi sümüikya ang chemle changüi? Tuimix-nuakmix tuita ozün ma ngo angkya olom awanle kopkyae chix fün amüile koxkya chemtüi?

⁹Ija a laxli chitüikya; ija a tuita zangwin achuale ngokya thatha. Tütali laxsele mongzok ngokya füi, ma ma chem tüipuix ija füi mongtexshale ngokya wüi amüikya changpu.

¹⁰Anyix changle hüikya pangwüi ile chang angkya hanpakma kaitanto wüi tsuakle thomkya changle, ilaxle kem pangnue awan ngopu, nange mafüi sütsak süzongkya mix füi otuechu ala ang müntho.

¹¹Nange chem tukux okuilole ala ngopuix, itukuxle ija a chilaxli ang changpu, ilaxle nang a amüikya le chichang.

¹²Ija moxwüi moxkya, tamchu laxli chitüikya tsün: tsünjang oja zangkhung chax lailaile kaile paopuix, ija kem tsün ma, kem zongma sümüikya ija changpule owaepi awan ang thoüi? Kem zile pao füima chaxwannu ma ile changüile keme chemle awan thoüi?