Read Wancho Naga Hwon-Nwot-Jaono 7 Bible Online

Hwon-Nwot-Jaono 7 - Wancho Naga bible

Hwon-Nwot-Jaono 7

¹Otha lixkya ongan müikya füi ngaxchu mün müikya wüi akhokya changpu; ilaxle nang puxkya nyix füichi nang zikya nyix wüi achongkya changle.

²Puale püntux ngokya hom to nguikya füi sop-juale ngokya hom to nguikya wüi amüikya, chemthüikoxle zikmüt mangkhoe jento kem pangwüi tanle ngole le ozün ma tüikyabu hato mong ma texle atak ang tomle.

³Nyikya füi mongma wüi tüichong changle; ijae nang thünza shix ang tomkoxlax, ikoxlechu ija nang tutex anax ang tomle.

⁴Owawa othuithuima mongmüi hanpak zaza ajangle ngokya mix a ongat changle. Jetüi-hwonlangkya khünake zik pak mix tikle.

⁵Ongatbue nang achuakle tsai ngaokya füi je füikya khünake sa-male changkya wüi amüikya.

⁶Chemtue ongat khünak nyiüihex, ija a wünkha to hux zokle afuakkya ningle changpu. Ija a tütali lechu münchang.

⁷Nang a jepachu changünkoxlax, ikoxlechu nang owawa dyenlale jangchang, nange ija ongat mwot mokpu. Nange zuizun laxle jangchang, nange nang tsün ama ngopu.

⁸Tütali owang füi oshuk wüi amüikya. Mongngam füi adukya wüi amüikya.

⁹Nang mongtsik akumathum thomlax; mongtsik ang nui-ting koxkya a ongat.

¹⁰“Tütalichu kaipongma wüi sümüile büthüikoxle changpuix?”, le atüikya a ongat. Ija a je füikya kaxtik münchang.

¹¹Ozün ma ngokya pangwüi jetüi-hwonlangle chang angkya olom; ija a mantswon kopkya füi tomwüile müikya changpu.

¹²Ijae nang ang ngun füi tomwüile khosekya tüi ang tsuak. Je-hwone nang khosünle thom ang tsuak—awan-atsingkyae koptsuak angkya a ija changle.

¹³Zang-e chem moktsuak daopuix ija bama ajangle anolax. Zang-e akwom daokya owae atang ang thoüi?

¹⁴Chemtue nang zongto pangnusa müile tüipuix, mongmüilax, ilaxle chemtue sikngün apongpuix, texle ataklax: Mongmüi hia sikngün pangnyi wüi Zang-e ahüipu; ifüima chemle changüihex nange müntik.

¹⁵Ku khüzün a laxli chitüile tüikya, ikoxlechu kue ija ma pangnuli ngün ang kop. Owawa ochax khünak chang üntoxle chu ozün ma ngole chang ang tsuak, züizüi khünak mixmüi a zile pao ang tsuak.

¹⁶Idaile aluile chu taxmüi ilaxle aluile jetüile chu taxchang—ma alüile büthüikoxle azik angkya?

¹⁷Ikoxle angangle chichangchizangle chichangba ongat machu taxtüi, chichangba—nang zitu manguiba büthüikoxle zi angkya?

¹⁸Pangnyi ma wüi hapkaile taxchang. Nang ma Zang chathua zale jangtüi, ojongtochu nange tsuakkya tüiüi.

¹⁹Khünak tuita hanpakma je-hwon-e, wanghom tuitae tingnu tuita hanpakma mokle tsuakse tsuakle faüi.

²⁰Othuithuima chem mokse hex ijaja mok ilaxle thaikya ojao chitüikya khünak chaxwan tok ma müntüi.

²¹Khünaknue akaxkax pangwüi to nathale taxchang: nange nang dapae nang ajao-adale ngokya chuwüi atat ang tsuak,

²²ilaxle nange obithomthom ma hexle khünakbu ajaole changkya awanle ngopu.

²³Kue hwon-je ibu pangwüi to thwonle ano ang twonpu. Kue jepa tuita ang changüile texdaokya, ikoxle ija ha kue chialop tsuak.

²⁴Tsünjang a chem hex, ija owaepi atak ang thoüi? Ija a kem zongto müimamale zule, tsingle kop ang müimamale tsakle.

²⁵Ikoxlechu kue tsing-wankya bama mongkoxle lompu ilaxle otua lompu; Je-hwon hia kue atüi to kaxlan atak angkya, ilaxle chichang-chizangkya hia ongat chem hex, ija atak angkya bama kue mongzangwünle tsuakpu.

²⁶Kue zik füi ngaxchu sükhaxkya atakle—kam thale thomkya lailaikya sheko a. She-e koxkya mongkün ma nang a nya ma manpupule amanüi, ilaxle nang to künkya she chak-e tuita janbüi ningle nang to khakle kopüi. Zang mongzom amüikya khünak tuita paole azang ang tsuaküi, ikoxlechu ochaxbu a she-e amanle kopüi.

²⁷Chang koxa, jepa tuitae thüile, kue kaxlanbu lomle changpongma ibu tuita füima tuitale tsuile atakle laxle.

²⁸Kue mama kaxlanbu to hule hüipu ikoxle tuita chu chiatak. Chathuazale chang koxle asule tüikya mix kue hajat tuita khama khünak tuita wüi atakle, ikoxle ikhama sheko tuita müntüi.

²⁹Kue tikle laxkya ibibi changle: Zang-e kem olan to tangtho ma zingpu, ikoxle kem mixe kem a lüthüt-lüwüt ang achangpu.