Read Wancho Naga Tsaitax-Ngaonüi 1 Bible Online

Tsaitax-Ngaonüi 1 - Wancho Naga bible

Tsaitax-Ngaonüi 1

¹Solomon-e ngaokya tsai, tüle müikyabu.

²Tun apongkya füi nang tunpüne ku to chwople; grepti-ju füi ngaxchu nang mongkün wüi sümüi.

³Nang zui ma ongan müikya nganüntong; nang mün lünlünba ija atum laxle. Nang to mongkün angkya ku owa chamüinuechu abax ang müntho.

⁴Nang füito ku koplax, ilaxle künyi zuile paohax; ku wanghom ang changlax ilaxle nang nui to ku dünhüi. Künyi shemle mongmüiüi, okhonguile lingüi ilaxle mongkün ma jikjuixle maxle. Sheko hex athüithüie nang to mongkünkya ma abüt angkya müntüi!

⁵Jerusalem angkya shekobu, nakkoxlechu ku a osün müipu Kedar sak-hax angkya nyihombu ningle nakünbachu, Ku a Solomon homlo angkya tuknyinu ningle müi.

⁶Ku tsawan nakündaile wünhaile taxhu, ija a zanghan-huak to tsangtsa khwon nakwüi. Kutüi kunao hwom a ku füi mongtsik ilaxle ku ang grep haxtok ma manzai ang tom. Ku a ma tsawan mo wün ang chakba tamchitüi.

⁷Ku mongkün, ku hama wünhu, Nange chunzyem okao ma danüi? Senu zatzong pongma nang na oma zaküi? Mix chunzyembu khato kue nang omalax ang lomngoüi?

⁸Sheko khama chamüinu, nange onui müntik hexnyi? Paolax, chunzyembu füito azuilax; chunnyetmixbu pom zui ma nange nang zwonbu ang fum atsütkox.

⁹Nang, ku mongkün; mancha tuitae Farao man-kanlin ahamkya manlabu mongzom amüikya ningle, naosünbu mongzom amüikox.

¹⁰Nang namya makhange thalix likwünbu ningle dingkux akaile ashai jukya nang kho sünmüi wüi.

¹¹Ikoxlechu künyie nang hanpak ang hun janbüi khop-jan makhange tuiza-nakombu zinghax.

¹²Ku wanghompa chix nyinu ma thungle tüikya, ilaxle ku ma tüikya ongan müikya müngae zangwinsa to jeple angan.

¹³Ku mongkün mowünpa ku khaxtok ma jiple hüipongma ongan müikya jing-so zing ma zingle ngan.

¹⁴Ku mowünpa a Engedi angkya grep haxtok ma puale tüikya fao maipuasa ningle.

¹⁵Ku mowünnu, nangsün chemkuxma müipuix; hupu mik-husa ma mongkün nyanle!

¹⁶Ku mowünpa, ku mongkün, nang sünmüi ning; nangetix ku ang mong amüi! Hingzang-khümox künyi fyensa changüi;

¹⁷künyi hom sedar pün füi atsaüi, ilaxle saipres pün a sa ma taküi.