Read Wancho Naga Tsaitax-Ngaonüi 3 Bible Online

Tsaitax-Ngaonüi 3 - Wancho Naga bible

Tsaitax-Ngaonüi 3

¹Zangnaknakba ku fyensa ma jipkya ashem kue shimang ma ngünle lax; kue chix lomle ngo, kue chix a chiataktsuak.

²Chix lom ang ku tingnu akaile pao, ibu tingjang lomnu hia homsam-pungba to. Kue künkak-mongkünle tüikya mixcha lom. Kue lomle hu, ikoxle chix a chiatak.

³Hu ang aham ngokya tingnu nyetmixbue ku ngünlelax. Kue hwom ma atüi: “Hünzome ku mowünnu ngünlahexcha?”

⁴Ku hwom ha angkya atsaile paosheme, kue chix atak. Kue chix to künle kop ilaxle anu hom to, ku puxkya nuilua to apüile machang tanto kue chix danle chiapao.

⁵Jerusalem angkya mixcha hwome tsaohüi; oham tsuakkya müikhi müijaxbu mün lünlaxle hünzome kukhi mongkün to münpoxpuo le.

⁶Wünkhut ajutkya ningle chemsa hüingopuix sak-haxchi tokya a, thalex mixbue hangkya ongan müikya ongan müikya jing-so ngan ma zingwüi zing namngan le?

⁷Solomon a nguingole, chix tsap ma nwonlaxle; chix nyetmix ang sün puzom, Israel nok süpahi khama sümüimüi zünlaxle.

⁸Hwom pangwüi changtwon mankyabu; shixkya zanhok lütle hüidaokyabu. Hwom pangwüi changlo awüiwüile, zangnak zansing thoto ziakople.

⁹Wanghompa Solomon a chix thungnui ma, müikya pün füi zingkya lyakho to azyale aham.

¹⁰Ija ochabu to khop füi li; ija tok ma hun füi nuakya nyie chwop. Ija thungnui ma baxnat nyinu füi chwop; Jerusalem tingnu angkya mixcha hwome takkya nyinu füi a.

¹¹Zaion angkya mixchabu, wanghompa Solomon to hu ang nguilax. Chix a, chix ma wangcha apüile mongmüi atungkya nyix, honue chix khang ma sünle koxkya khohom sünlaxle tüile.