Read Wancho Naga Isaia 12 Bible Online

Isaia 12 - Wancho Naga bible

Isaia 12

¹Khünaknue tsaingao angkya hanpak tunu nguile ngole, “Kue nang achuakpu, JOWANPA! Nang a ku füi mongtsikle ngokya, ikoxle athax nange ku mong asom ilaxle ku füi mongtsikkya chitüi.

²Zang a ku khosünpa changle; Kue chix to mongongüi ilaxle chazakya müntüiüi, JOWANPAe ku ang tsak-zong hia janzüi koxle; chix a ku khosünpa.

³Tikongsae tilan amüikya ningle, Zang khünakbu, chixe hwom khosünkya zuma mongmüile.”

⁴Khünaknue tsaingao angkya hanpak tunu nguile ngole, “JOWANPA ang münchong fakox! Hünzom to asun angkya chix se-kox! Chixe mokdaokyabu pangnu jat-li hato apuale laxkox! Hwom hama chix chemtukux chongpuix ija apua laxkox!

⁵Chixe chongkya mwotbu mokle changdaokya khoma JOWANPA achuakle tsai ngaokox. Kaxho a zangfang noke atat ang laxkox.

⁶Zaion ma ngole tüikya pangnusa akhong kox üntoxle tsai ngaokox! Israel nok otsao Zang a chongkya changle, ilaxle chix a chix khünaknu füi ngole.”