Read Wancho Naga Isaia 14 Bible Online

Isaia 14 - Wancho Naga bible

Isaia 14

¹JOWANPAe tamchatle chix khünaknu Israel to chingchale changüi ilaxle hwom a chix khünaknu ang zünle kopüi. Chixe hwom a hwom haxtok ma wüi tamchatle ngo ang tomüi, ilaxle mixnokbu nguiüi üntoxle hwom füi tomle ikhato ngoüi.

²JOWANPAe hwom ang koxkya haxtok to chat angkya hanpakma Israel khünakbu to mixjat-mixlibue huanuma fongle changüi, ilaxle ikhato mixnokbue da tuita ningle Israel nokbu thothale changüi. Amipongma opang Israel noke kople changdaopuix ibu athax Israel noke kopüi, ilaxle amipongma hwom to zothuple thomkya khünakbu thakma Israel khünakbue apünle ngoüi.

³JOWANPAe Israel khünakbu ang hwom to tsütle kakkya hia sikngün tamchu hwom ang atsangle amok thomkya mwot-tsak, ibu pangnu chak tokya nazak atak ang tomüi.

⁴Chemtue chixe ija moküihex, hwome Babilon nok wanghompa ajaole ile akax angkya changle: “Müishix-mixma wanghom nguakdaoa! Chixe athax owawa tochu zothuple münchangüi!

⁵JOWANPAe ochax lompabu tsak-zong ashuk ang tomle;

⁶chix a mongtsik ashukle khünaknu to zothuple ngokya ilaxle chixe kople tsuakkya jat-libu to zothupkya tamchizakkya mix changkya.

⁷Athax oshukma chaxwannu pangnusae nazak hia mongsom ma mongmüi, ilaxle pangnusa wüi mongmüi tungle tsai ngao.

⁸Lebanon angkya saipres hia sedar pünbu ang wanghompa nguakkya to mongmüi, chemthüikoxle athaxpi hwom owaechu dakle münanguak, hwom dakle anguak ngokya mix athax nguakdaoa!

⁹“Ama-lumtinge Babilon wanghompa wünpwonle pongkop angkya achwonle tüile. Chaxwannu ma tsak-zongle tüikya khünakbu lwompu hwom ang zongdong. Ilaxle wanghom hwom lwompubu a hwom ngwotnui angkya ajongle.

¹⁰Hwom pangnusa chix nyakle akhong, ‘Athaxpi nangchu kwom lailaile wüi shonaile changdaoa! Nang a kwom füikya tuita ang changdaoa!

¹¹Nang a thuaput-waxmai angaole achuak-achenle tüihukya, ikoxle athax nang a ikha ama lumting to. Nang a hwot-tit khao lyanu ding ma jiple ilaxle chong-langbu nyiwun füi chwoplaxle tüile.’”

¹²Babilon nok wanghompa, anopningle nyankya lyettsi, nang a zangkangting tokhange dütdaoa! Thochi ma nange chaxwanbu to lütle tsuak, ikoxle athax nang a haxkha to tswonle awütdaoa.

¹³Zangdingkho to ngale donglaxle ataxle tsuakya lyettsi kho ma nang tüntong dan angkya nange mongzangwünle tsuakdaokya. Baozangbu asoxkya shuakuxchi angkya haxnukho ma nang tuita wanghompa ningle thungsele tsukya.

¹⁴Zangfwom ding ma ngalaxle Khüthak Zang ningle chang angkya kax nange akax.

¹⁵Ikoxle ija lüi to, nange amalumting to ngaxchu süzukya jongkha ma nang adüt.

¹⁶Omangbue zongbak tamchu zule ajangkya füi nang to huüi. Hwome atüiüi: “Chaxwannu to sile alox ilaxle wangtingbu zale abün ang tomkya mix ija changchahex?

¹⁷Tingnubu olithule ama ilaxle zangfang sak-hax ang achangkya khünak ija changchami? Chixe kople thomkya khünak chidan chichangba paole azang ang chitomle thomkya mix ija khünak changchami?”

¹⁸Chaxwannu angkya wanghombu pangwüi jikjepkya hwom zuktingbu ma shuile tüile,

¹⁹ikoxle nang ang zukting tüchitüi, ilaxle nang mang a tswonle awütle ashan. Zantam ningle ija to süpahibu mange chwoplaxle tüi, hwom füi tomle longzakzyen to tswonle awüt, ilaxle cha füi nak ang tom.

²⁰Nange ma chaxwan tha ama tamchu nang khünaknu mik amütle changkya khoma, nang a mama wanghombu ningle münzuüi. Nang füikya ochax homkha owachu ozün ma müntox.

²¹Mikmüt owang naxwang! Hwom pupa hwom ochaxbu khoma ija wanghompa su-sa hwom ziüi. Hwom opupuechu ija chaxwan to apünle chichangba ija ma tingnubue awangle chang ang müntom.

²²JOWANPA Khüthak Zang-e thüile: “Kue Babilon to singüi ilaxle ija amaüi. Kue chemchu müntox: naosom tuita müntox, ozün ma tuita müntox. JOWANPA, kue ija akaxdaoa.

²³Kue Babilon a wot ang achangüi, ilaxle ikhato okhuxbu ngoüi. Tuita chitoxle züile atsao angkya nasüi füi kue Babilon züiüi. JOWANPA Khüthak Zang kue ija akaxdaoa.”

²⁴JOWANPA Khüthak Zang-e tsaotsütdaoa: “Kue chem moküile texpuix ija changüijao. Kue chem mok angkya mongzangwünle tsuakdaopuix ija tsuaküijao.

²⁵Kue Asiria nok a ku haxtok Israel ma amütüi ilaxle ku haxnubu ma hwom to cha füi naküi. Asiria nok dang chak tokya tamchu hwome hün angkya hünlit chak tokya kue ku khünaknu danüi.

²⁶Ija a chaxwannu hanpakma kue mok angkya mwot, ilaxle jat-libu to sikangün angkya ku chak thüile tüile.”

²⁷JOWANPA Khüthak Zang-e ija moküile mongzangwünle tsuakdaoa; chixe sikngün fa angkya hanpakma chix chak thüidaoa, ilaxle owaechu chix abax ang müntho.

²⁸Ija a, Wanghompa Ahaz zipongma apukkya kaxho changle.

²⁹Filistia angkya khünaknu, hünzom to fitkya jantom a pakdaoa, ikoxlechu hünzom ang mongmüi angkya olom müntüi. Chemtue pu tuita zile paopuix, ija man ma ifüi sümakya tuita nguiüi. Pu-ti makhange pikya dragon hosa jole.

³⁰JOWANPA a chix khünak zasabu zongto tuita chunnyetpa ang changüi ilaxle chixe hwom thomzün maklaxkya chitüile ngo ang tomüi. Ikoxlechu Filistia nok hato chixe tüle makya kaikuak-saonu ahüiüi, ilaxle ijae hünzom opupuchu ozün ma danle chitoxüi.

³¹Fongmix lomle akhongle wotkox, Filistia tingnubu hünzom pangwüi! Zalax, hünzom pangwüi! Shuakuxchi tokhange zangfwom ningle haxkhix-labu hüile ngole — ija a ojao chizakya süpahibu hüikya changle.

³²Filistia nok tokhange nguikya kaxhomixbu kax to keme chemle lanüi? Zaion a JOWANPAe sikngün apongle ngokya chix khünakbue ima nazak kop angkya hanpakmale zingpu, le keme lanüi.