Read Wancho Naga Isaia 20 Bible Online

Isaia 20 - Wancho Naga bible

Isaia 20

¹Asiria nok chongwangpa Sargon, kaxtom fang ma, Asiria nok süpahi lompa akhokyae Filistia nok tingnu Ashdod to sing.

²Zanglao azom thoto wüi JOWANPAe Amoz sasün Isaia ang chix chisox suk ilaxle nyikhwon nyi apongle le chang angkya akax. Ija kax ma lax üntoxle chix a tomhua ma tamchu cha hua ma aham.

³Chemtue Ashdod kop ang tsuakle changpuix, JOWANPAe thüi: “Ku dapa Isaia a tomhua ma tamchu cha hua ma aham ngokya zanglao azom jao nguile hüile. Ija a Ijip hia Etheopia nok füi apong angkya mowan ahokya changpu.

⁴Ija nok anyi angkya chixe kople tsuakkya zandabu Asiria nok chongwangpae tomhua ma tsui pao angkya changle. Naosom hia mixmüi, hwom pangwüie hwom ketuibu ahole, ijae Ijip ang zak-akople tomhua hia cha hua ma aham angkya changle.

⁵Opangsae Etheopia to ma mongong thomlaxpuix ilaxle Ijip bama tsaichong-kaxbongle changlaxpuix, hwom ang thünkhux-thajao apongkya tüiüi.

⁶Chemtue ija hanpak nguile hüiüihex, Filistia tinu kax achole tüikyabue thüiüi, ‘Asiria chak tokya kem hwome azünüile mongong laxle keme hule ngokyabu to hulax! Kem ozün ma chemle ngothoüi?’”