Read Wancho Naga Isaia 22 Bible Online

Isaia 22 - Wancho Naga bible

Isaia 22

¹Ija a Mikngünohün Haxsha ba angkya kaxho tuita changle. Chempang changle ngopu? Tingnu angkya khünaknue homkho to chem hanpakma pangpwonle ngopu?

²Tingnu pangnu khato wüi pupuale, khünaknu mongmüi to akhong-akhakya ozinge awangle tüile. Hünzom khünaknu opang ija zan ma zilaxpuix hwom a azankya ma zikya chichang.

³Hünzom lompabu pangwüi zikle pao ikoxle hwome san fa tuitae mahapba wüi hwom akhople kop.

⁴Athax a ibu ku khünaknu mikmaxünkyabu hanpakma mongmaxle sop ang ku to chitsale danhüi. Owaechu ku taxjox.

⁵Ija a chabüt-lasünkya, zane lütkya, ilaxle Mikngünohün Haxsha ma jemax-hwonsamkya hanpak changle. Kem hato ija a JOWANPA Khüthak Zang tokhange ahüikya changle. Kem long katukbu a thuple anguakdaoa, ilaxle asun hüile sopkya ozing a haxnukhobu to taitailaile atatle.

⁶Elam angkya süpahibu mankho ma ngalaxle hüingole; hwom a hap hia sanbu füi akhyep-adi laxle tüile. Kir haxtok angkya süpahibue hwom dibu achwon laxle tüile.

⁷Haxzao füikya Judah haxsha a man-kanlinbue awangle tüile; mankho ma ngale tüikya süpahibu Jerusalem zünkai tunthoma ajongle tüile.

⁸Judah angkya ziakop ang zingkyabu pangwüi atsundaoa. Chemtue ija changpuix, hünzome faokha tokya chang-hi-paxbu apüi.

⁹Jerusalem katuk zingkoxle tix müi angkya khabu hünzome atak. Hünzome Jerusalem ma hom pangwüi to hule aham ilaxle tingnu long katuk azünle zing angkya hanpakma ibu züizüi pünle adüt. Ti athün angkya hanpakma,

¹¹tüküi ozang angkya ti jenle jukya kople thom angkya hanpakma hünzome tingnu mong ma tibom tuita zing. Hünzome Zang to mongkoxkya jao chitüi; ikoxle kaitanto wüi ija ajukle thom ilaxle ija ile wüi chang ang tomkya a chix changkya.

¹²Ifüima JOWANPA Khüthak Zang-e hünzom a mangsop ang tamchu khang ong ilaxle nyikhwon awunle chang ang se.

¹³Ikoxlemix hünzom nyi ilaxle pangpwon ang mix süt. Hünzome chun hia maihu langle sax, ilaxle hünzome ju ling. Hünzome thüi: “Kemepi sax-lingle changhax! Ngainyix kem a zidaoüi.”

¹⁴JOWANPA Khüthak Zang, chix jaoe ku füi akaxle thüi: “Hwom ozün ma ngokya kopkya ija ochax hwom ang thailak tüiüile münchang. Ku, JOWANPA Khüthak Zang-e ija akaxdaoa.”

¹⁵JOWANPA Khüthak Zang-e ku füi Shebna to kalaxle ija chongwang homkha angkya wangshem tüichong hama ile akax angkya kax kox:

¹⁶“Nange nang a owahexle texlaxpu? Nang hanpakma ma alüile long zakzyen to long tholaxle ma zukting zing angkya nang ma chifün chemtüi?

¹⁷Nang alixachong chu changle ngolax, ikoxlechu JOWANPAe nang a puixle koplaxle tswonle awütüi.

¹⁸Chixe nang a tuita nüifua ningle tswonle kopüi ilaxle süchongkya nok haxtok to tswonle awütüi. Nang a nang mongngamle tüikya man-kanlinbu zui ma ikhato ziüi. Nang a nang hompunu zongto chilaxli ang changle.

¹⁹JOWANPAe nang a nang mwot angkya apaoüi ilaxle nang chifün atsuakya kha tokya athaiüi.”

²⁰JOWANPAe Shebna ang thüi: “Chemtue ija changle hüiüihex, kue Hilkiah sasün Eliakim, ku dapa se ang apaoüi.

²¹Kue chix ma alixachong zapua hia züpak apakle koxüi ilaxle nang ma tüile ngokya tsak-zong pangwüi chix ang koxüi. Jerusalem hia Judah angkya khünaknu hanpakma chix a tuita hopa ningle changüi.

²²Dawid hosu Wanghompa fangfang ma tsak-zong komkaile kue chix ang koxüi. Khwa angkya kapatja chix ma thomüi; oja chixe dap puix, owaechu chihaküi, ilaxle oja chixe hakpuix, ija owaechu chidapüi.

²³Kue chix a tuita lak ningle onui ma takle thomüi, ilaxle chix a hwom homkha pangnu hanpakma achuakachen angkya otong ang ngoüi.

²⁴“Ikoxle chix mamix hia haxnu-homsabu a chix zongto hünlit ang ngoüi. Hwome chix a thong tuita ma takle thomkya lak ma khopkhua-wansabu shokya tsong bünkya ningle bünüi!

²⁵Chemtue ija changle hüiüihex, amongle takle thomkya lak a aloxüi ilaxle dütle hüiüi. Ilaxle ikhama bünle thomkya mwot-kat pangwüi ima ashuküi.” JOWANPAe ija akaxdaoa.