Read Wancho Naga Isaia 25 Bible Online

Isaia 25 - Wancho Naga bible

Isaia 25

¹JOWANPA, nang a ku Zang changle; kue nang chathua za ilaxle nang mün achuak-achenle changüi. Nange khosamle abütkya mwotbu mokdaoa; nange mongong athokya chitüile nange kaiwüi ajukkya mwotbu mokle changdaoa.

²Nange tingnubu amadaoa ilaxle ibu ziakople thomkya panbu pündaoa. Kwom zanpabue zingkya onuibu a othuithui hanpak ang amütdaoa.

³Tüle tsak-zongle tüikya nokbue nang achuakle changüi; mongtsik ashukle tüikya tingnubu to nang thua zakya tüiüi.

⁴Mixshix-zasa hia chitüi-chinang khünakbu nang hato pao ilaxle sikngün pongma khangkho sün ang kople chang. Zangchei pongma nange hwom ang ngwotnui fa ilaxle zanghan huakle changpongma zangkhung fa. Zangwat zangchei lailaile mongtsik ashukkya zanpabue single hüi

⁵zuazoxkya haxtok to khamkya ningle. Ikoxle JOWANPA, nange nang zanpabu adang; mongtsik ashukkya khünakbu okhong-okha nange adang, zangkhamkya nyix zangfwome akongkya ningle.

⁶Ikha Zaion Haxnu ma JOWANPA Khüthak Zang-e chaxwannu nok hanpak ang fongsüt tuita achwon — tüle müikya süt hia sümüikya grepti-ju füia.

⁷Onokbu khangkho ma ashale tüikya mongtsik zangfwom chixe allele awütüi.

⁸JOWANPA Khüthak Zang-e othuithui hanpak ang zikmüt-mangkho amütüi! Pangnusa mik angkya mikfi ti chixe fwotle awüt koxüi ilaxle zangfang pangnu khato chix khünaknue sikngün apongle hüikya thajao-wünhai chixe fwotle awütüi. JOWANPA chix jaoe akaxdaoa!

⁹Chemtue ija changüihex, pangnusae thüiüi: “Chix a kem Zang changle! Keme kem mongong chix ma thompu, ilaxle kem chixe azünpu. Chix a JOWANPA changle! Keme kem mongong chix ma thompu, ilaxle athax kem a pwonla dongle mongmüipu chemthüikoxle kem kho chixe sündaoa.”

¹⁰JOWANPAe Zaion Haxnukho awaüi, ikoxlechu Moab nokbu to a cha füi tingle akhünüi, chemle tsaxsa haxzao ang nakle akhixpuix ija ningle a.

¹¹Akhai üima tinkya lailaile hwome chak tinüi, ikoxlechu hwom a Zang-e hwom a fangto süjuju ang tomüi, ilaxle hwom chak a juafong ang chimüile shaüi.

¹²Moab nok ziakop ang shwonkya tsuathakya long katukbu chixe amütüi ilaxle ibu haxbu khato wotle düt ang tomüi.