Read Wancho Naga Isaia 27 Bible Online

Isaia 27 - Wancho Naga bible

Isaia 27

¹Ija nyix JOWANPAe chix tsak-zong hia mik amüt angkya changlo a Lewiathan, oja tüle ozik tsuakkya fwotnu, kwom-kwomlanle tüikya dragon hex, ija hia punu lang ang twon, ibu a tinu khato ngokya müibu changkya.

²Ija nyix a JOWANPAe chix mongmüikya grep haxtok füi akaxüi,

³“Kue ija to chizakle hule tamchu ti koxle ngoüi. Ija owaechu chiama angkya hanpakma zangnak zangngaile nyele thomüi.

⁴Athaxpi ku a grep haxtok füi mongtsikkya müntüiüi. Ija to pox ang hux hia kongbüi zubu jangtüi, kue ibu komkaile zokle ashunüi.

⁵Ikoxle ku khünaknu zanpabue, kue hwom kho-awa angkya to tsukya jangtüi, hwome ku füi tumüi lomzingle naxchang. Changle, hwome ku füi tumüi lomzingle naxchang.”

⁶Hüi angkya hanpak ma Israel khünakbu, opang Jakop sixlibu changpuix, hwome pün tuita ningle tsingjule naxchang, ilaxle ibu asok laxle puale naxchang. Chaxwan tok a ibu pünziak füi ule naxchang.

⁷Israel to JOWANPAe hwom zanpabu to hwonkya tukux ziamale mahwon, chichangba khünak huanuma amütle le münchang.

⁸JOWANPAe chix khünaknu to pünpao ang achangle sikangün. Handünchi tokya mongtsik zangchei füi chixe hwom tswonle pao.

⁹Ikoxlechu chemtue songsari tö-tsapbu haxkhix-labu ang achangle ija ma ongan müikya so zokkya chitüi chichangba Asherah baozangchanu chapabu amütle changüihex Israel khünaknu ochax thailakkya tüiüi.

¹⁰Panzai laxle ziakople thomkya tingnu a amale tox. Ija a chemchu chingokya faokha ningle awütle tox. Ija a maihubu hanpakma fumtsütnui ang achang; ikhato hwome nazak lax ilaxle fumtsüt.

¹¹Pün okangbu a zile zan ilaxle pakle pao, ilaxle shekobue ibu ha ang zyenle athün. Chemthüikoxle khünakbue chemchu chitsing, Zang hwom zingpupae hwom to chingcha chichangba jajakya chitüiüi.

¹²Ija nyix, Eufrat makhange Ijip nok longzipong alople, JOWANPAe tuita füima tuitale chix khünaknu süile asoxüi; ija a owawae otsa hia wonglai saxtsang süikya ningle changüi.

¹³Chemtue ija nyix nguile hüipuix, Asiria hia Ijip nok to pünpao ang ngole tüikya Israel khünakbu se ang nyazong dinglo mütüi. Hwom nguiüi ilaxle Jerusalem, otsao haxkho ma hwome JOWANPA to shwomüi.