Read Wancho Naga Isaia 38 Bible Online

Isaia 38 - Wancho Naga bible

Isaia 38

¹Ipongkhae Wanghompa Hezekiah zikox laxle jao kakle max. Amoz sasün ajepa Isaia chix to hu ang pao ilaxle chix ang thüi: “JOWANPA nang ang pangnu li müile zing-jaole tox angkya wüile akaxle chemthüikoxle nang kak a tammüitoxüi münchang. Nang a zi ang achwonlax.”

²Hezekiah-e chix thün katuk chito hu ilaxle zangjop:

³“Texle ataklax, JOWANPA, kue mongong füi tamchu kax ma laxle nang thothale hüidaoa, ilaxle kue nang mong ma atsutsu mokle-ole azongle hüidaoa.” Ilaxle chix mongmaxle sop ang süt.

⁴Ipongma JOWANPAe Isaia ang kaxtom koxle

⁵Hezekiah hato chatlaxle chix füi ija akax ang tom: “Ku, JOWANPA, hünzom putong Dawid Zang, kue nang zangjop atatdaoa ilaxle nang mikfi ngündaoa; kue nang zanglao bünba aga ozün ma ngo ang tomüi.

⁶Kue nang tamchu ija tingnu Jerusalem a Asiria nok chongwangpa chak tokya sünüi, ilaxle kue chizakle ija tingnu ziakople thomüi.”

²¹Isaia-e wanghompa ang chix tsom mak ma fupsa jum-e bapkox, ile jangchangba nang kak müiüile thüi.

²²Ifüima Wanghompa Hezekiah-e atüi: “Ku a Zangshwom-Hom to pao ang tho angkya bama münwan ang chem tüi?” Isaia-e lan: “Chixe akaxkya otsing changpule aho angkya hanpakma JOWANPAe nang ang münwan tuita koxüi. Wanghompa Ahaz-e zingkya longdixtua ma, JOWANPAe chaxba füichi to chikap bün chat ang tomüi.” Ilaxle chaxba füichi to chikap bün chat. Hezekiah kak müile changkya füima, chixe ija tsai Zang achuakle za: Kue thüt ku tsünto to wüi sheol to ka ang laikya chang, chatle ku ozün ma münngotoxüi ngün. Ija ozün ma ngokya chaxwannu ma tamchatle JOWANPA ngün ang münkopüi, chichangba ozün ma ngokyabu owachu ngün ang münkopüingün le kue thüt. Ku tsün a pak-ngün ilaxle ashuk-ngün, tuita nyihom pünle ajokya tamchu nyitak lya angkya nyi zütle laxkya ningle. Zang-e ku tsün iwüi ang achang ngünle kue thüt. Mailang tuitae ku zabu shaole akhixkya tukuxle zang angaile ku tüle luakle sop. Zang-e ku tsün iwüi ang achang ngünle kue thüt. Ku zangwün ng(...)