Read Wancho Naga Isaia 54 Bible Online

Isaia 54 - Wancho Naga bible

Isaia 54

¹Jerusalem, nang a naosa chitüikya mixcha tuita ningle changkya, ikoxle athax a nang tsaingao tamchu mongmüi to akhong ang tho. Athax hünzom ang naosombu huanuma tüiüi lüka mixpa tuitae otuechu danle chitoxkya mixcha ninglea!

²Hünzom ngole tüikya nyihom achenle zinglax; ibu ozu alwot ilaxle lakbu sümongle zinglax!

³Hünzome hünzom longzi pangnu chito wüi achenle zingüi; hünzome hünzom haxtok achatle kopüi athax pongma mixnoke kople thomkya haxtok a. Athax awütle thomkya tingnubu a khünake awangüi.

⁴Hünzom taxza — hünzom a tamchatle münawüt; hünzom a thajao-wünhaile münchang. Tuito jukya chazünsa ningle hünzome hünzom mongong chitüikya, ilaxlechu thanu tuita ningle ma tata alakdao angkya changle.

⁵Nang Zingpupa a nang zongto kakopa tuita ningle changüi — JOWANPA Khüthak Zang a chix mün changle. Israel nok otsao Zang-e hünzom khosünle kopüi — chix a zangfang pangwüi apünkya mix changle.

⁶Israel, nang a tui to namjukya naochasa, she kakopae awütle toxkoxle künmax-mongshanle ngokya mix ningle changpu. Ikoxlechu JOWANPAe chix hato sele chatlaxle thüi:

⁷“Noxtasa hanpakma kue nang danle toxpu; mongkün zukya füi kue nang chatle laxüi.

⁸Onox ma mongtsik laxle kue tok aho, ikoxlechu kue nang hato ku mongkün jento aho ngoüi.” Ile nang khosünkya JOWANPAe thüile.

⁹“Noa tsün to kue tsaosaxle chang, chaxwannu tok to tamchatle tinu mualyemkya tüi ang müntomüi. Athax kue nang füi mong tamchitsik ang bama tsaodaoa; Kue nang to münsa chichangba sikangünle münchang.

¹⁰Haxhua hia haxnubu akhixle pao angchu tsuak, ikoxlechu nang mongkün ma oshuk müntüi; Kue mongsom bama tsaosaxkya kue jento thomüi.” Idaile nang to mongkünkya JOWANPAe akaxle.

¹¹JOWANPAe thüile: “O Jerusalem, nang sikngünle, fongle fa angkya mix chitüikya tingnu, owaechu nang mong asom fa angkya mix chitüile, kue nang chifün tamchatle thalix long füi zingüi.

¹²Kue nang katukbu thalix longbu füi zingüi, nang zünkai a wün lailaile chuale ngokya longbu füi zingüi, ilaxle nang akhople katukbu a liknubu füi zingüi.

¹³“Nang khünaknu to ku jaojaoe anwot-anole changüi ilaxle hwom ang ahak-alua angkya hia mongsom koxüi.

¹⁴Sukya kaxfün hia süntswone nang tsak-zong ang tomüi. Hünzom a mixe adakya hia thama adünkya füi atsai ngo ang tomüi.

¹⁵Owapange hünzom to single changüihex tik-shokya chemchu chitüi homtoxle mokle; owa pang hünzom füi azanle changüihex ibu a nguaküi.

¹⁶“Janjao mixbu chu kue wüi zingpu, wün hia chang-paxbu kue zingpu. Mix lang ang ibu twon angkya süpahibu chuwüi kue zingpu,

¹⁷ikoxlechu hünzom to tüta ningkya chang-paxe chu mak-khale chang ang müntho; hünzom ma kaxhux fekyabu pangnusa hanpakma hünzom ma lan angkya kax tüiüi. Kue ku dapabu khoseüi ilaxle hwom ang lütkya koxüi.” JOWANPAe akaxdaoa.