Read Wancho Naga Isaia 55 Bible Online

Isaia 55 - Wancho Naga bible

Isaia 55

¹JOWANPAe thüi: “Oman, ti alankyabu pangwüi — ikhama ti tüile! Oman, hünzom ngun chitüikyabu— sozam shakle saxlax! Oman! Grep-ti hia tsomti shaklax — ija ma otha münju!

²Mongzom chimüi angkya ma ngün chem ang bakpu? Hünzome hingchak hom ilaxle woknuak ma büthüikoxle ngopu? Ku kax apalax ilaxle kue chem wünpuix ija moklax, ile jangchangba hünzome sümüikya süt saxle ngo ang kopüi.

³“Athax apalax, ku khünaknu, ilaxle ku hato nguilax; ku hato nguilax, jangchangba nang ang khüzün tüiüi! Kue nang füi otsün lo angkya tsaotsütle changüi ilaxle kue Dawid ang koxüile tsaokya mohiman nang ang koxüi.

⁴Kue chix lompa ang tamchu onok akhokya ang zingpu, ilaxle chix makhange kue hwom hato ku tsak-zong ahopu.

⁵Athax hünzome mixnokbu nyaküi; hanpak tuita ma hwome hünzom a chitikkya, ikoxle athax hwom a hünzom füi tuita ang achang ang zikle nguitüi! Ku, JOWANPA hünzom Zang, tuita Israel nok otsao Zang, kue ibu pangwüi changle hüi ang tomüi; Kue hünzom ang münchong hia fuazangkya koxüi.”

⁶JOWANPA hato chatlax ilaxle chix to zangjoplax, athax chix a hoxhoxle tüile.

⁷Chichangchizangkya khünaknue hwom lomtang danle naxtox ilaxle hwom mongjang olom bama künlop-monglüile naxchang. Hwom a JOWANPA, kem Zang hato naxchatkox; chix a chingcha hia chwonle thailak tüi angkya mix changle.

⁸JOWANPAe thüile: “Ku mongjangbu a nang mongjang ningle münchang, ilaxle ku lomtang a nang lomtangbu füi ajele.

⁹Chaxwannu thakma zangdingkho chemle tsuale tüipuix, ibukuxle ku lomtang hia mongjangbu a nang lomtang hia mongjangbu füi tsuale tüile.

¹⁰“Ku zangwün a jun hia zangwat ningle changpu oja zangdingkho tokhange chaxwannu ashan ang dütpuix. Ibue tsaxsa-hikha lai ang tomle ilaxle küi angkya hia sax angkya hanpakma oziak fale.

¹¹Ija ningle kue wünkya zangwün chuwüi — ijae kue ajangkya mwot chitsuakle müntüi; ijae kue mok ang atomtom pangwüi mok angkya changle.

¹²“Hünzome mongmüi-pwonlale Babilon dantoxüi; hünzom a tingnu angkya mongsom ma laile pao ang tomüi. Haxhua hia haxkhobu a tsaingaole akhongüi, ilaxle pünbue mongmüi to tsai ngaoüi.

¹³Athax pongma kongbüibu tüikya khato saipres pünbu nyemüi; huxpün lüi ma martul fumsabu laiüi. Tamchu chiashukle ngo angkya münwan a ija changüi, JOWANPA kue chem mokdaopuix ija texle atak angkya a.”