Read Wancho Naga Isaia 64 Bible Online

Isaia 64 - Wancho Naga bible

Isaia 64

¹Zangding akyet laxle nang büthüikoxle chiju? Haxnukhobue nang ngünlaxle zale abünse.

²Fonglong kho ma ti tokya lailaile hwom zale abünse. Nguihüi ilaxle nang zanpabu hato nang tsak-zong ahokox, ilaxle nang tunthoma chaxwannu nok abün ang tomkox!

³Kwome ojao texle chingokya ohünotün mwot mokle kwom abüt ang tomkya hanpak tuita tüikya; haxnubue nang ngün ilaxle abüt-abanle za.

⁴Nang mong mongong thomkyabu hanpakma iningle mwot mokkya mix, nang lailaikya Zang owaechu mangün chichangba atatle machang.

⁵Nange hwom chemle naxngosele thütlaxpuix ija texle atakkyabu, opange sukya mwot moklaxle mongmüi atakkyabu nange pwonle lax. Nang ang kwom füi mongtsik, ikoxlechu kwom a chizakle ochax mwot mok ang sütle ngo; ile kwom füi nang mongtsik koxlechu kwome kaitokhange wüi ochax lyenle hüi.

⁶Kwom pangwüi ochaxe awangle ngo; müile mokpu lükya kwom mwot ngaxchu othai ang wüi changle nui. Chemthüikoxle kwom a kwom ochax makhange jumle dütkya pünchak zangwin to pikle paongokya ningle chang.

⁷Zangjop makhange nang hato owachu chichat; nang hato fonghüiole owachu chihüi. Kwom thoto nang a thün khom ang süt ilaxle kwom a kwom ochaxbu khoma danle tox

⁸Ikoxlechu JOWANPA, nang a kwom hopa changpu. Kwom komhax thatha, ilaxle nang a tikjaomix changpu. Kwom a nang chakzing,

⁹idaile kwom füi zongbakle mongma taxtüiünfa chichangba kwom zongto kwom ochax kople taxthomünfa. Kwom a nang khünaknu changpu; kwom to chingchakya tüihüi.

¹⁰Nang otsao tingnubu a sak-hax lailaile; Jerusalem a khünak chingokya nui ang ama toxdao kha,

¹¹ilaxle kwom Zangshwom-Hom, kwom pupa hwome nang to shwomle ngokya otsao tamchu osün amüikya nui, wün füi zokle amadaokha. Kwome mongkünle tüikya onui pangwüi amadaokha.

¹²JOWANPA, nang to ibue chemle chu münpo hia? Nang chemle chu münthüiüi hia ilaxle kwom a kwome adu ang chitho tang sikngün ma ngo ang tomüi hia?