Read Wancho Naga Jeremia 8 Bible Online

Jeremia 8 - Wancho Naga bible

Jeremia 8

¹“Ipongma Judah nok wanghombu hia nguakax-wangkhobu za-tua, tamchu zompu-zangpabu za-tua, ilaxle Jerusalem ma ngokya khünakbu za-tua, ibu pangwüi hwom zukting angkya alaile laxüi.

²Ibu afoxlaxle akhünle changse lüito, hwom za-tuabu a chaxwantok ma shale haxzao ang changüi. Hwom za-tuabu a, ibu khünakbue mongkünle tamchu shwom-tole tamchu tsaitik-kaxshole ngokya zanghannu, lyetnu hia lyettsibu tuntho to chiakle changüi.

³Ija ochax jat-li angkya khünaknu opang ozün ma atale tüilaxpuix, opang kue hwom chiakle asamkya haxtokbu to ozün ma ngole tüilaxpuix, hwome ozün ma ngokya füi zisele wüi süchongle texüi. Ija kax, JOWANPA Khüthak Zang, kue akaxdaoa.”

⁴JOWANPAe chix khünakbu füi ija kax akax angkya ku füi akax: “Chemtue owawa atile changpuix, chix anaole chizole tüizaicha? Owawae lom asamle jangchangba, chix anongle chichatle tüizaicha?

⁵Jangchangba, ku khünaknu, chemthüikoxle hünzom ku hato ojao tamchichatle tok ahole paopu? Hünzom a hünzom chapabu füi mongkün shingmongle chang ilaxle ku hato anongle münchatpule angam.

⁶Kue khile apale ngopu, ikoxle hünzom kaxtsing tuita chiakax. Hünzom tuitata ngaxchu hünzom chichangchizangle tüikya bama thaidaokoxale chithüi; hünzom tuitae ngaxchu ‘Kue chem thaikya mokdaopu?’, le chiatüi. Manbu zan to kaüi ningle hünzom a pangwüi malom lom to pao.

⁷Olobue ngaxchu chat angkya otu awanle; osu, za-ngo-pakpe, ilaxle zangwa osabue ngaxchu hwom pao angkya hia ngui angkya tu awanpu. Ikoxle ku khünaknu, hünzome a wanlom oja füi kue hünzom thakma apünle ngopuix ija chitik.

⁸Hünzom a jepabu tamchu hünzome ku wanlombu tikle ngopule chemle thüitsuak? Hulax, wanlombu a otsing chichangkya zatmixbue tüilüidaoa.

⁹Hünzom jepabu a zak-kop ang tompu; hwom ang kho asamdaoa ilaxle tsün ma amandaoa. Hwome ku kaxbu chilaxle awüt; ikoxle athax hwom ma chemningkya je-hwon tüile ngo?

¹⁰Ikhoma kue hwom haxtokbu a haxpu ozünbu ang koxüi ilaxle hwom kakonubu a mix ang koxüi. Chongkya hixkya noknusae wüi thaikya olom tokhange ngun athün ang azongle. Nguapabu hia ajebue ngaxchu khünaknu dyenle.

¹¹Hwome ku khünaknu angkya makthünbu a muakya büizüikya ang laxle. Müimüi-zangngaile chitüikya khato ‘Pangwüi müimüi-zangngaile tüile’, le hwome thüitüi.

¹²Ku khünaknu, hünzome chichangchizang mwot ibu pangwüi moklaxle azakzi pia? Münchang, hünzom a ojao münazak; hünzome thünkhi angkya ngaxchu müntik! Ikhoma mix chemle ngolaxpuix ilailaile hünzom chuwüi nguaküi; chemtue kue hünzom to sikangünüihex, hünzom hanpakma oshuk a ija changüi. JOWANPA, kue ija kax akaxdaoa.

¹³“Manzaimix tuitae sax afoxkya ningle kue ku khünaknu asox-atomse tsuhupu; ikoxle hwom a oziak chitüikya grep zu tuita ningle, oziak chitüikya fupsa pün tuita ningle; ochak ngaxchu wüi zile hüidaoa. Ikhoma, haxtok a kue mixnokbu ang lax ang tompu.”

¹⁴Zang khünaknue atüi: “Kem büthüikoxle dangle thung-ngopu? Hai paohax, kem a ziakople thomkya tingnubu to nguilaxle ikhato zihax. JOWANPA, kem Zang-e kem a zilax-maxlaxle ahaidaoa; chixe kem ang zik-hing ling ang koxdaoa, chemthüikoxle keme chix zongto ochax mwot mokdao koxle.

¹⁵Keme tumüi hia kak amüi angkya hanpak to monghomle ngopu, ikoxle chem mwot ang chichang; itülüi thama mix lüile hüipu.

¹⁶Kem zanpabu a Dan tingnu to nguile ngoüna; keme hwom manbu ngaokya zing atatle. Hwom manbu soxle hüikya zuma chaxwan pangwüi aloxpu. Kem zanpabu a kem haxtok hia ima atüitüi, kem tingnu hia kem khünaknu komkaile amüt ang nguipu.”

¹⁷JOWANPAe thüi: “Hule ngolax! kue hünzom khato, jik ang chithokya oje füikya pubu ahüipu, ilaxle ibue hünzom to tsütüi.”

¹⁸ku mongma kak müifang münchang; Ku a khaxtua ma kakle.

¹⁹Apalax! Haxtok pangkha towüi Ile ku khünaknu akhongkya kue atatle, “Zaion ma JOWANPA münngo hia? Zaion nok wanghompa ima müntüi hia?” JOWANPA, hwom wanghompa-e lan, “Hünzome ma chapabu to shwomlaxle tamchu laxli chitüikya mixnok baozangbu tong to akhuxlaxle ku ang mong büthüikoxle amapu?”

²⁰Khünak sople akhong, “Tsonu a leüna, sax züt angkya kaidaoa, ikoxle kwom a khomasünle tüi.”

²¹Ku mongkha thuple akhixle chemthüikoxle ku khünaknu a thuple akhixdaoa; ku soppu; ku a komkaile khosampu.

²²Gilid nok ma hinghai müntüi hexnyi? Ikhato doktorbu ojao müntüi hexnyi? Chemkhoma, ku khünaknu kak-lak puix tamchu, ku khünaknu ang kak müidaimami?