Read Wancho Naga Ezekel 15 Bible Online

Ezekel 15 - Wancho Naga bible

Ezekel 15

¹JOWANPAe ku füi akax.

²Chixe thüi: “Ziün angkya khünak, zu tuita pün füi chemle apyenüi? Grep zu tuita fao angkya pünkang füi apyen koxle müikya chemtüi?

³Nange ija tütali zing-jao ang twonchami? Nange ija tütali bün ang takle amongkya lak tuita ang ngaxchu laxtho ang chami?

⁴Ija a wün to zokle ashun ang tümüikya lan wüi. Ilaxle chemtue oza pangnyichi shunle tsuak füima osungkha ma wün paxle tüile, ija tütali ma lax ang müi ang cha?

⁵Ija wün to zokle ma-ashunba wüi tüta mwot tochu lax ang chimüi; athax ija a wün füi zokle ashunlaxle ojuak ang achangdaoa, athax sisi ija chem mwot ma chu münhüi.”

⁶Athax JOWANPA Khüthak Zang-e akaxle ngokya a ija changle: “Chemle zu tuita faokha tokya apüilaxle wün to zokle ashunpuix, ikhoma Jerusalem ma ngole tüikya khünakbu a kue ija thatha ma laxüi.

⁷Kue hwom to sikangünüi. Hwom wün tuita chak tokya azangle tsuakdaoa, ikoxle athax wüne hwom zokle ashun angkya changle. Chemtue kue hwom to sikangünüihex, ku a JOWANPA changpule hünzome awan ang kopüi.

⁸Hwom a ku to mongong chitüi homtoxle ngole hüi, ikhoma kue hwom haxtok a khünak chingokya haxtok ang achangüi.” JOWANPA Khüthak Zang kue ija akaxdaoa.