Read Wancho Naga Ezekel 2 Bible Online

Ezekel 2 - Wancho Naga bible

Ezekel 2

¹“Ziün angkya khünak, ajonglax. Kue nang füi zangwünse tsule.”

²Ija kaxzinge zangwünle ngopongma, Zang chasa ku ma nop ilaxle ku ajong ang tom, ilaxle kue chizakle ija kaxzing atat,

³“Ziün angkya khünak, kue nang a Israel khünaknu hato tsanle apaopu. Hwom ku füi alünle ilaxle ku hato tok ahole. Hwom pupa hwom lailaile ibue chizakle ku füi alünle wüi ngole.

⁴Hwome kax ma ojao münlax ilaxle ku chathua zakya ojao müntüi, ikhoma JOWANPA Khüthak Zang-e hwom füi chem akax angkya tüipuix, ija kax hwom hama apua ang kue nang tsanle apaopu.

⁵Ku füi alünle tüikya khünak ibue nang kax to chiapalax apalax, hwome hwom khama ajepa tuita tüikya tikle laxüi.

⁶“Ikoxlechu, ziün angkya khünak nang, hwome tütale wüi akaxkoxle chu hwom thua za angkya oli münchang. Hwome nang ajao-ahaile changüi; ija a tuita twonsi zyem khato ozün ma ngokya ningle changüi. Ikoxlechu, alün-aloxle tüikya khünak ibu thua tamchu hwom zangwün thoto nang za-ngo angkya oli münchang.

⁷Kue nang hama chem akaxpuix, nange ibu hwom hama wün angkya changle; hwome chiapakya hia apakya ma chem müntüi. Hwom a chemningle alün-aloxle tüikya khünakbu hex texle ataklax.

⁸“Ziün angkya khünak, kue nang füi chem akaxpuix ija to apalax. Ibu khünakbu lailaile alün-aloxle taxtüi. Kue nang ang chem kox angkya tüipuix ija nange nang wikha akalaxle saxlax.”

⁹Kuchi to chak tuita thüile ahüi ngokya kue ngün, ilaxle ija ma laitün tuita koplaxle tüikya.

¹⁰Ija chake ija laitün sha, ilaxle kue ija laitün ma pangnyi chima wüi zale tüikya ningle ngün: mongma mangsopbu hia mongmaxle awaokyabu ikhama zale tüikya.