Read Wancho Naga Ezekel 35 Bible Online

Ezekel 35 - Wancho Naga bible

Ezekel 35

¹JOWANPAe ku füi zangwün.

²Chixe ku ang thüi: “Ziün angkya khünak, Edom nok tha-ajaole changkox.

³Ku, JOWANPA Khüthak Zang-e akaxle ngokya kax ija khünaknu hama wünkox: “Ku a hünzom zanpa changle, Edom angkya haxnubu! Kue nang a khünak chingole awüt thomkya haxtok ang achangüi.

⁴Kue nang tingnubu pünle ama toxüi Ilaxle nang haxtok awütkya nui ang achangüi; Ifüima nange ku a JOWANPA changpule awan ang kopüi.

⁵“Othuithuima nang a Israel nok zongto zan ang ngole hüipu, ilaxle hwom zothup okia ma Israel khünaknu a changlo janzüi chak to kox.

⁶Ikhoma JOWANPA Khüthak Zang, kue tsaotsütle thüipu, nang a khünaknu mik amütkya ma thaile. Ilaxle kue thüipu, zikmüt mangkhoe hünzom achuale hüiüi.

⁷Haxhua nok Edom a kue khünak chingokya haxtok tuita ang achangüi ilaxle ima ahamkya khünak pangnusa kue langüi.

⁸Kue haxhuabu a mang füi awang ang tomüi, ilaxle zanhok ma langkya khünakbu zwopthobue haxnukho hia haxbang, ibu awang ang tomüi.

⁹Kue nang a othuithui hanpak ang chilaxli haxtok ang achangle awütüi, ilaxle nang tingnubu ma tamchatle owachu münngoüi. Ipongma nange ku a JOWANPA changpule awanüi.

¹⁰“JOWANPA, ku a hwom Zang ang ngole tüingale ngaxchu, Judah hia Israel onok anyi, hwom haxtokbu füi afomle hünzome kopdaokya hünzom kux changpule hünzome thüitüi.

¹¹Idaile ku, JOWANPA Khüthak Zang-e tsaotsütle thüipu, hünzome ku khünaknu füi mongtsikle changle, hwom to miktsak-mongngwomkya, hwom thua anukya, ibu bama hünzom to kue olüix khomkya tüiüi. Hünzome hwom to hwom daokya khoma kue hünzom to sikngün ang tomkya changpule hwome awanle laxüi.

¹²Hünzome Israel nok haxhuabu zongto ajaole, ibu a hünzom süt hanpak ang koxkya hünzom kux changle le zangwünkya, ku, JOWANPA Khüthak Zang-e atatle laxdaoale hünzome awan ang kopüi.

¹³Hünzome ku zongto tsaima-kaxshix hia mongngam kaxbu akaxkya kue atatle laxdaoa.”

¹⁴JOWANPA Khüthak Zang-e thüile: “Nang nguakkya zing atatlaxle zangfang pangnusa ang mongzom müile changkya li ma kue nang a ojao laxli chitüile awütkya haxtok ang achangüi.

¹⁵Ija a ku kux Israel nok omüt-osam to hünzom ang mongzom müikya ningle changüi. Changle, Seir haxnubu, Edom haxtok, ibu pangwüi laxli chitüikya haxtok ang awütüi. Ifüima noknusae kua JOWANPA changle le awanüi.”