Read Wancho Naga Ezekel 42 Bible Online

Ezekel 42 - Wancho Naga bible

Ezekel 42

¹Ifüima ija mixsüne ku homtho angkya lopsha to alai ilaxle Zangshwom-Hom angkya shuakuxchi ma tüikya longhom to pao, ija a Zangshwom-Hom hannopchi shuk makhange aluile chiatsaile tüikya.

²Ija longhom a ojong ma sok 96 ozem ma sok 48 le tüikya.

³Kaotachi a Zangshwom-Hom füi fole sok 23 khaole oba zaile tüikya chito homthün ahole tüikya, ilaxle mama kao a homthochi lopsha to le angkya lomshua chito thale tüikya. Ija a odang azom ma, ofang angkya füi süchatdao-süchatdaole athünle tüikya.

⁴Ija longhom shuakuxchi kao ma sok 10 khaole tamchu sok 96 lole lyetlom, tuita tüikya, ilaxle nop angkya fülombu chu ichikao ma wüi tüikya.

⁵Homthünkho tokya nuibu a ofang angkya nuibu füi sühixdao-sühixdaole tüikya, chemthüikoxle ibu angkya nuibu a tokfüi to süchatdao-süchatdaole zaile tüikoxle.

⁶Ija longhom Dang azom ma tüikya nuibu a thopthopthax le zaile tüikoxle, ija lopsha ma tüikya mama hombu lailaile thong füi thuakya kha chitüi.

⁷Ija hom angkya hax angkya odang homthochi katuk sok 48, ija homjang süifi tha a long tuita füi zingle tüikya, ilaxle mama sok 48 homjang ma a nuibu zingle tüikya. Homthün atsuakya kho to homjangjang bakle nuibu zaile tüikya.

⁹Nui ibu fang ma, homnu handünchi kao, ojong makhange lopsha owang wangle tüipuix, ikhama homtho lopsha to dong angkya fülom tüikya. Zangshwom-Hom shuathong chikao ma Zangshwom-Hom hannopchi shuk füi aluile chiatsaile chixlili to tüikya longhom tuita tüikya.

¹¹Shuakuxchi kao ma tüikya lailaile nui ibu tunthoma lyetlom tuita tüikya. Othüt ma tomkhak le tüikya, osün talailaile tüikya, ilaxle nguilombu talailaile tüikya.

¹²Ija hom shuathong chikao ma, ojong makhange handünchi katuk owang wangle paopuix ikhama, nui ibu fang ma kahak tuita tüikya.

¹³Ija mixsüne ku ang thüi: “Ija longhom pangnyi wüi otsao changpu. JOWANPA ngwotnui to dongkya zompu-zangpabue ibu ma otsao tö sütlingbu sax-lingle.

¹⁴Chemtue Zangshwom-Hom ma ngole tüikya nguapabue homtho lopsha to laise tsupuix, hwome JOWANPA thothale ngopongma laxkya hwom nyi-za nui ibu ma danle tox angkya wüi changle. Khünaknu asoxle tüikya nuito laipongma hwome mama zangjang nyi-zalaxle kop angkya changle.”

¹⁵Chemtue ija mixsün Zangshwom-Hom hom mongkha thütkya shukle changpuix, chixe ku handünchi fülom makhange ku homtho to alai ilaxle tatokchi homtho thüt.

¹⁶Chixe thüt angkya janlak lax ilaxle handünchi thüt koxle sok 560 bang.

¹⁷Ifüima chixe shuakuxchi, shuathongchi, ilaxle hannopchi le thüt, ikoxle olwot a sok 560 pong bang,

²⁰ikhoma katuk a pangnuchi ma sok 560 le tüikya tuklaxle tüikya. Chitsaokya hia otsao nyi bama longzi ang ija katuke atsyen.