Read Wancho Naga Ezekel 45 Bible Online

Ezekel 45 - Wancho Naga bible

Ezekel 45

¹Chemtue homjen pangwüi ang tomle kox ang haxtok ahanle changpuix, othom tuita a JOWANPA hanpak ang atsaole kox angkya chang. Ija a ojang ma mai 10 ilaxle okhao ma mai 8 chang angkya oli. Ija wankam a bakle otsao changüi.

²Ija wankam ma Zangshwom-Hom hanpak ang haxmik ojong-ozem pangnyichi ma wüi sok 226 pongle, ilaxle ija akhople kotho sok 65 pong khaole jongtakha tüi angkya changpu.

³Haxtok ikha angkya süifi, olwot ma mai 10 okhao ma mai 4 a thütle kopüi, pangnu thak to tsaokya Zangshwom-Hom a ikhama womüi.

⁴Haxtok ma ikha a atsaokya onui ang changüi, ilaxle ikha a Zangshwom-Hom ma JOWANPA thothale chang angkya nguapa hwom ngwotnui ang süile kopkya kha ang changüi. Ijongkha ma hwom hom-haxbu tüiüi ilaxle jongtuta khama Zangshwom-Hom tüiüi.

⁵Ija wankam angkya haxtok süifi a Zangshwom-Hom ma mwot mokkya Liwi hwom hanpak ang süile danüi. Ikhama hwom ngo angkya tingnubu tüiüi

⁶Ija otsao wankam füi athuile mama jongta kha, ojong ma mai 10 ozem ma mai 2 le, Israel nok tütapu wüi changlax ngotsuak angkya hanpakma süile dan angkya changle.

⁷Apünkya wanghom hwom hanpak angchu haxtok jongta kha süile dan angkya changpu. Otsao haxsüt hannopchi longzipong makhange ija haxsüt a Mediterenian Tinu alople tüiüi; handünchi longzipong makhange ija a handünchi kao onok longzi alople leüi, ikoxle tix haxsüt ijakha chuwüi mama Israel homjenbu ang ahanle koxkya haxsüt pongle bangüi.

⁸Ijongkha a Israel nok haxtok apün ang ngokya wanghombu süntswon ang ngoüi, ile changkox tix wüi chixe khünaknu to angang le thuple chichangüi ikoxle Israel nok homjenbu ang mama haxsütbu hwom kux ang laxle ngo ang danüi.

⁹JOWANPA Khüthak Zang-e thüi: “Hünzom Israel nok apün-awangkyabu, hünzome okuilole ochax lyenle ngodaoa! Hünzom changnong-pünthomle ngokya hia mix to afangle thomkya zakün. Chem changpuix tamchu supuix ija moklax. Hünzome ku khünaknu ija haxtok angkya tamchatle jwonle chiapao angkya oli. Ku, JOWANPA Khüthak Zang-e hünzom füi ija kax akax ngopu.

¹⁰“Atuakkya hia thütkya oli noknusae wüi otia ma mok angkya oli changle:

¹¹“Ozua thütkya ifah hia oti thütkya bath nyi a tomwüi chang angkya oli. Onoke twonkya othüt a homar changle. Othüt olom ibibile changpu: homar 1= ifahbu 10= bathbu 10

¹²“Hünzom tuakthüt ile chang angkya oli: gerah 20= shekel 1 shekel tuakthütbu 60= mina 1

¹³“Hünzome hünzom töbu kox angkya a ibibile changüi: Wonglai tsax: Nang puamün thom 60 kha angkya 1 Tsaxsa tula: Nang puamün thom 60 kha angkya 1 Olip münga: Nang pünziak thom 100 kha angkya 1 (Ija a bath othüt ma thütlax, bathbu 10= homar 1= kor 1) Chun: Israel haxtok fao ma tüikya chun 200 kha angkya 1 “Hünzome saxziak tö, otom ma lanle zokle ashun angkya müi tö, ilaxle notom-tusüi tö ang kox angkya müibu, ibu kox angkya changle ikoxle tix hünzom ochaxbu thailakkya tüiüi. Ku, JOWANPA Khüthak Zang-e ija kaxtom koxpu.

¹⁶“Israel khünak pangnusae wüi tö ibu a apünkya wanghom hato paole kox angkya wüi changpu.

¹⁷Lyetzün Pangpwon ma, Sabath ma, ilaxle mama pangpwon tukma, Israel nok noknusa hanpak ang, otom ma lanle kox angkya müi tö, saxziak tö ilaxle grep-ti tö, ibu bakle achwonkox angkya a chix mwot changpu. Ochax tö, saxziak tö, otom ma lanle koxkya müitom tö, ilaxle notom-tusüi tö, ibu tö pangwüi, Israel nok ochaxbu thailak tüi angkya hanpak kox angkya töbu chixe koxüi.”

¹⁸JOWANPA Khüthak Zang-e thüi: “Pongwang angkya lyetnu owang nyix kha nange ojao ofwot chitüikya maihupong tuita tö koxle Zangshwom-Hom atsao angkya changpu.

¹⁹Nguapae ija ochax tö müi aji hidaole laxüi ilaxle ija füi Zangshwom-Hom fülom kapoxbu to, tö-tsap ozong ali pangnu to, ilaxle nuithong to dongüi fülom kapoxbu ma lyetüi.

²⁰Ija lyetjang nyix anüt tochu, owawae chitex le hia chitsingkya tokhange achax le changkyabu hanpak ang ile wüi moküi. Iningle mokkya tokhange nange Zangshwom-Hom atsaole thom ang thoüi.

²¹“Pongwang angkya lyetjang nyix 14 to hünzome Kaitox Pangpwon sax ang owang wangüi. Hanpak nyix 7 bama khünak noknusae twonkhax chiawonle zingkya an saxüi.

²²Ija Pangpwon pongwang nyix apünkya wanghome chix ochax tamchu noknusa ochax thailak tüi angkya hanpakma maihupong langle tö kox angkya changpu.

²³Pangpwon saxle nuikya nyix 7 mong ma nyixfokya to chixe JOWANPA ang ojao ofwot chitüikya maihupong 7 hia chunla 7 tö koxle otom ma lanle zokle ashunüi. Ochax tö hanpak ang chixe hanpak to chithaile zwonpong tuipong chuwüi kox angkya changle.

²⁴Tö ang koxkya maihupong hia zwonpong tuipong füi tomle, saxziak khia ta tamchu olip münga pe pong chithaile kox angkya wüi changle.

²⁵“Pomsa Pangpwon, oja lyetjang 7 ma nyix 15 nyix kha owang wangle changpuix, ipongma wanghome nyix 7 ma tiale ochax tö koxüi, tö ibu otom ma lanle zokle ashunüi, ijaningle saxziak tö hia olip münga tö, ibu chuwüi otia ma koxüi.”