Read Wancho Naga Danel 12 Bible Online

Danel 12 - Wancho Naga bible

Danel 12

¹Jaknyidax awunlaxle tüikya kaxtaimixe thüi: “Ipongma achongkya kaxtaimix Maikel, owae hünzom khünaknu nyele ngopuix, chix ngaiüi. Ifüima sikngün zolit angkya hanpak tüiüi, ija sikngün a ojat-oli le changle hüikya füima sümapupa ang changüi. Chemtue ija hanpak nguile hüiüihex, hünzom jat-li khama Zang laipex ma münzale tüikya khünaknak khosünkya tüiüi.

²Opangsa ami wüi zile paodaopuix ibu chuwüi azangle ngoüi; züizüie oshuk chitüikya khüzün koplaxle mongmüi atungle ngoüi, ilaxle mamabu a oshuk chitüikya sikngün ma zolitle ngoüi.

³Jetüi-hwonzaikya lompabu a zangdingkho zangngai ma nyanle ngoüi. Ilaxle khünaknu hama sukya mwot mokle ngo ang anwot-anole changdaokya khünakbu a lyettsibu ningle jento nyanle ngoüi.”

⁴Chixe ku ang thüi: “Ilaxle athax, Danel, ija laipex hakdao ilaxle chaxwannu shuk hüile machang tanto ija to tsuile kha thomdao. Ipongma chemle pang changle ngopuix ija awan ang azongkya bama khünakbu huanue ngat to hanpak alyetle changüi.”

⁵Ipongma kue mixsün anyi shuakax ma atadingle ajongle ngokya kue ngün.

⁶Ija shuasa kux ma ajongle tüikya kaxtaimix füi mixsün tuitae ile atüi: “Ija ningkya khosamsüikya hanpak zanghan kaile le ang chemtukux laxüi?”

⁷Ija kaxtaimixe pangnyi chak zangkho chito ajong ilaxle oshuk chitüikya Zang mün ma tsaosaxle akaxkya kue atat. Chixe thüi: “Ija a zanglao azom lyet azok changüi. Chemtue Zang khünaknu to zothupkya ashukle changüihex, ibu pangnusa ile achangle hüidaoüi.”

⁸Chixe chem akaxpuix ija kue atat ikoxchu chem hanpak akaxpuix ija a chitsingtsuak. Ikhoma kue atüi: “Ikoxle, alixachong, ibu a chemle tomta ashuküi?”

⁹Chixe lan: “Danel, nang athax paokoxle müi angkya changle, chemthüikoxle zangwün ibu a hanpak oshuk nguile hüikya kople pyenle thom angkya oli changpu.

¹⁰Khünaknu a huanuma otsao ang achangüi. Opang chichangchizangle tüipuix hwome ija müntsingüi ikoxle sisi-mix chichangchizangle ngole hüiüi; opang jetüi-hwonzaile tüilaxpuix hwome tix tsingle laxüi.

¹¹“Nyixfokya to koxle ngokya töbu koxkya zakkya makhange, ija a Nushix dongkya Oma, 1, 290 nyix kaile lekya füima changüi.

¹²1, 335 hanpak zanghan akaile mongong ma ngotsuakkyabu a mohiman!

¹³“Ilaxle, Danel, nang a oshuk alople mongong ma ngoüi. Ifüima nang zile paoüi, ikoxlechu nang hingho pongle lax angkya hanpakma oshuk nyix nang chatle azangle zoüi.”