Read Wancho Naga Danel 9 Bible Online

Danel 9 - Wancho Naga bible

Danel 9

¹Mede Dairas, owa Sarkses sasün changkya hex, chixe Babilon wangting ma apünle tüikya.

²Chixe apünkya pongwang lükya zanglao ma kue otsao laibu ele ngokya ilaxle JOWANPAe ajepa Jeremia füi akaxle thomdaokya ningle, zanglao puzom-bün bama Jerusalem pünle ama laxle thom angkya bama ajangle ngokya.

³Ilaxle kue mongkoxle Jowan Zang to zangjople, ku a süt chisax, ti chiling, nyikhwon awun ilaxle labu khato thungle ngole tüikya.

⁴Kue JOWANPA ku Zang to zangjop ilaxle ku khünaknu ochaxbu bama thailak tüihüile ju. Kue thüi: “Jowan Zang, nang a chongkya changle, ilaxle kwome nang achuak-achenpu. Nange nang kaxtsao bama chialekya mongong füi ngo ilaxle nang to mongkünkyabu hia nang kaxtom kax ma laxle tüikyabu hato chizakle mongkün aho.

⁵“Kwome ochax lyenle changdaoa, kwom a chichangchizangle tüidaoa, kwome thaile mokdaoa. Nange kwom ang mok ang fakya kaxtom kwome chilaxle awüt ilaxle nange kwom hama ahole fakya sukya lomtang angkya kwom thaile paodaoa.

⁶Kwome nang dapa aje hwom kax to chiapa. Nang mün ma kwom wanghom hwom hia noknusa füi akaxkya a hwom changkya.

⁷Jowanpa, nange jento sukyakya wüi mokpu, ikoxle kwome kwom hato alüile thünkhux-thajao apüipu. Judah hia Jerusalem ma ngole tüikya hia nang kax ma chilaxle tüikya khoma zangfang ma pangnu chaxwan tok to chiakle tüikya Israel nok pangwüi zongto ija a otsing tomtata changpu.

⁸Kwom wanghombu, kwom pupa chongwangbu, ilaxle kwom pupa hwome zakkop mwot mokdaoa ilaxle, Jowanpa, nang zongto ochax lyenle changdaoa.

⁹Kwome ibibile nang zan to kale changdaobachu, nang a chingchajaja hia thailak tüikya Zang.

¹⁰JOWANPA, kwom Zang, nange kwom ang nang dapabu hia ajebu makhange kwom ang fale tüikya wanlombu tole ngo angkya kwom füi akax pongma, kwome nang kax to ojao na chitha.

¹¹Israel khünak noknusae nang Wanlombu ama ilaxle nang zangwün to na münthapu le angam. Kwome nang zongto ochax lyenle chang, ikhoma nange kwom hato nang dapa Mosa laipex ma zale tüikya othuak-ozom kwom hato hüi ang tom.

¹²Nange kwom ilaxle kwom lompabu to chemle mok angkya hex-ole akax daopuix ityatyale mokpu. Nange Jerusalem to chaxwannu nok angkya mama tingnu to nüile sikangünpu,

¹³Mosa Wanlom ma sikngün bama chempangle wünle tüipuix ija tukuxle kwom to sikangünpu. Ikoxle athaxchu, O JOWANPA kwom Zang, kwome kwom ochaxbu tokya mongchat chichangba nang otsingtsing olom tole changkya füi nang mong amüi ang kwome ojao chiazong.

¹⁴O JOWANPA, kwom Zang, nang a kwom to sikangün ang achwonle ngo, ilaxle nange ile mokpu, chemthüikoxle nange chem supuix ija mokpu, ilaxle kwome nang zangwün to ojao na chitha koxpu.

¹⁵“JOWANPA, kwom Zang, nange nang khünaknu Ijip nok tokya alaile apüikya tokhange nang tsak-zong ngaile ahopu, ilaxle nang tsak-zong a athaxkople mong ma thompu. Kwome ochax lyendaoa; kwom a thaidaoa.

¹⁶Ledaokya ma nange kwom kho awale thompu, ikhoma athaxpi Jerusalem füi nang ang mongmakya taxtüiünfa. Ija a nang tingnu changle, nang otsao haxnu changle. Kwome mokkya ochaxbu hia pupa hwom chichangchizangle tüidaokya khoma tomzi nok pangwüie Jerusalem to ilaxle nang khünaknu to ajaole hule.

¹⁷O Zang, ku zangjop hia tsaiju-kaxjukya to apahüi. Pünle amadaokya nang Zangshwom-Hom tamchatle zaile alai ang tomhüi; noknusae nang a Zang changpule naxtsing ang zingle achat-hüi.

¹⁸Kwom to apahüi, O Zang; kwom to huhüi ilaxle kwom sikngünle ngokya ilaxle nang mün lünle ngokya tingnu thama ngünle laxhüi. Kwome nang to joppu, kwome sukya mwot mokdaoale münchang ikoxle nang a chingchae awangle tüikya khokho ma.

¹⁹Jowanpa, kwom kax to apahüi. Jowanpa, kwom ang thailak tüihüi, Jowanpa, kwom chito nathale changhüi ilaxle mokle fahüi! Noknusae nang a Zang changpule naxtsing koplax ang, shenle taxngo! Ija tingnu hia khünak ibu a nangkux changle.”

²⁰Kue chizakle zangjop, ku ochaxbu tamchu ku khünak Israel nok ochaxbu ngaile JOWANPA ang chix Zangshwom-Hom zingle achat angkya tsaiju-kaxju.

²¹Kue zangjople ngopongma, Gabriel, owa kue othopongkya mikngün-ohün ma ngünle laxkya hex, chix a ku ngokya nui to pile ju. Ija a hansong ma tö koxle changkya tukha changkya.

²²Chixe akhixle wünle fa: “Danel, ku ikhato nang hama ija mikngün-ohün awan ang tom angkya hanpakmale nguipu.

²³Chemtue nange Zang ma chingcha ju ang sütpuix, chixe nang to lanpu. Chixe nang to mongkünle, ikhoma nang hato ku ija kaxlan fa angle nguipu. Athax kue ija mikngün-ohün apuale ngopongma mong koxle apahüi.

²⁴“Anüt anütle othom anüt zanglao a Zang-e hünzom khünakbu hia otsao tingnu ochax hia chichang-chizangkya chak tokya danpan angkya Zang hanpak zanghan changpu. Thaikyabu pangwüi thailak tüiüi ilaxle oshuk chitüile sukya zingle dan, ikoxtix mikngün-ohün hia jekax otsingtsing ang achangle laiüi, ilaxle ija otsao Zangshwom-Hom a jople atsaoüi.

²⁵Ija mong ma koplax ilaxle tsinglax: Zang-e Jerusalem tamchatle azünle zing angkya kaxtom koxkya füima Zang lompa nguikya kople, othom anüt lükya thom anüt kaile leüi. Jerusalem a tingjang lomnu hia shingmongkya zanhunuibu füi zingüi, ilaxle ija a othom anüt lükya zanglao puzom anyi ajongle ngoüi, ikoxle ija a thama tuk-kha changüi.

²⁶Ilaxle ija hanpak ashukle changpongma Zang-e zünle kopkya lompa a chisukya olom ma langle awütüi.

²⁷Ija lompa-e zanglao anüt hanpakma mixnokbu füi tsaino-kaxno tomkya tüiüi, ikoxle ija hanpak süifi le le chang füima, chixe to koxle ngokyabu ashukle toxüi. Nushix Dongkya a Zangshwom-Hom atsuakya khama danüi ilaxle ija a owae ija ikhama danlax puix chix bama Zang-e achwonle thomkya oshuk hanpak füi ma-apong ma-apongle ngoüi.”