Read Wancho Naga Hosia 11 Bible Online

Hosia 11 - Wancho Naga bible

Hosia 11

¹JOWANPAe thüi: “Chemtue Israel a naosa tuita changkya hex, kue chix to mongkün ilaxle kusa ningle kue chix Ijip nok tokya nyakle apüi.

²Ikoxle kue chemtukuxle chix se-lompuix, itukuxle chixe ku hato tok aho.

³Ikoxlechu Israel ang aham angkya kue tix anole koxpu. Kue ku khünaknu ku ahuijak ma paile lax, ikoxle hwome kue hwom to atu-alitkya changkox-a le chitex.

⁴Kue mongkün chingcha makhange hwom ku hato jikle ahüi. Kue hwom tswonle kop ilaxle bwom ma tun apong; Kue akulaxle hwom ang sax shole asüt.

⁵“Hwome ku hato münchatpule angam, ikhoma hwom Ijip to chat angkya wüi changle, ilaxle Asiria noke hwom to apünle ngoüi.

⁶Zansinge hwom tingnubu to thule hüiüi ilaxle tingnu panbu amale awütüi. Ijae ku khünakbu amütüi büthüikoxle hwome müile le thütkyakya mokkoxpu.

⁷Hwome ku hato tok aho angkya wüi zong. Hwom khangkho ma dangzem khoma hwom akhongle sopüi, ikoxle hwom khangkho angkya ija owaechu nwonle chifaüi.

⁸“Israel, kue nang chemle danle awütüi? Kue nang chemle dantoxüi? Kue Admah amütkya ningle hünzom amütüi hi chichangba kue nang to Zeboiim to hwonkya ningle hwonüi hi? Ku mongkhae ku ang ija mok ang müntom! Hünzom tokya ku mongkün a huanu changpu.

⁹Kue hünzom to ku mongtsiktsik ma sikngün ang müntom; Kue Israel tamchatle münamüt. Chemthüikoxle ku a Zang changle zangjang khünak tuita münchang. Ku, Otsao a, hünzom füi tüile. Ku a hünzom hato mongtsik ma münngui.

¹⁰“Kue hwom zanpabu to mailang ngao ma ngaole achua pongma ku khünaknu a ku füima azüi angkya changle. Hwom a hannop chitokya ku hato nonokhaile nguiüi.

¹¹Hwom a Ijip tokya nguiüi, osa pik ma pile, ilaxle Asiria tokya, osubu lailaile. Kue hwom, hwom hom to tamchatle apüiüi. Ija a, JOWANPA, kue akaxdaoa.”

¹²JOWANPAe thüile: “Israel khünaknue dyenlale atsekya füi ku akhople ngole, ilaxle Judah angkya khünaknue athaxkople, mongong ma chialekya hia otsao Zang füi alün-aloxle ngole.