Read Wancho Naga Amos 1 Bible Online

Amos 1 - Wancho Naga bible

Amos 1

¹Ija a Tekoa nok angkya chunnyetpa Amos-e akaxkya kaxbu changle. Bütix si angkya zanglao anyi thoto, chemtue Uziah a Judah nok ma wanghom ilaxle Jehoash sasün Jeroboam a Israel nok ma wanghom changkya hex, Israel nok hanpakma ibu pangwüi Zang-e Amos hato ngaile aho.

²Amos-e thüi: “Zaion Haxnu makhange JOWANPA ahungle; chix ding-zak Jerusalem makhange atsak-adungle. Müitsüt fum zanle zile, ilaxle Karmel haxnu angkya fumchui khuitungle achang paole.”

³JOWANPAe thüile: “Damaska angkya khünaknue chatchatnaole ochax lyenle hüile, ilaxle ija khokho ma kue hwom to sikangün angkya changle. Gilid angkya khünakbu to hwome mongtsik abakle hwonle.

⁴Idaile kue wanghompa Hazael-e zingkya wanghom homlo to wün ajoüi ilaxle wanghompa Benhadad zanhunuibu kue zokle ashunüi.

⁵Kue Damaska tingnu angkya panbu atsunüi ilaxle Awen Haxsha ma ngokyabu hia Betheden apün-awangle ngokya mix apaoüi. Siria nokbu a Kir nok to zanda ang kople paoüi.”

⁶JOWANPAe thüile: “Gaza angkya khünakbue chatchatnaole ochax lyendaoa, ilaxle ikhokho ma kue hwom to sikangün angkya changle. Hwome onok angkhange tsui paolaxle Edom nok ang da ang hangle koxpao le.

⁷Ikhoma kue Gaza tingnu hato wün ajoüi ilaxle ijama tüikya zanhunuibu zokle ashunüi.

⁸Ashdod hia Ashkelon angkya apün-awangkyabu kue apaoüi. Kue Ekron tingnu to sikangünüi, ilaxle ota toxle tüikya Filistia nok pangwüi zi ang tomüi.”

⁹JOWANPAe thüile: “Tair angkya khünakbue chatchatnaole ochax lyenle hüidaoa, ikhokho ma kue hwom to sikangün angkya changpu. Edom nok to hwome onok angkhange komle zanda ang kople paole, ilaxle hwome tsaotsütle muamüi zangwün tsuakdaokya amale.

¹⁰Ikhokhoma kue Tair nok tingnu katuk hato wün ajoüi ilaxle ija angkya zanhunuibu zokle ashunüi.”

¹¹JOWANPAe thüile: “Edom noke chatchatnaole ochax lyenle hüidaoa, ikhokho ma kue hwom to sikangün angkya changle. Hwome ma haxnu homsabu Israel nok to müihap nyaxlom pupu le to-zile changdaoa, ilaxle hwom hato oja chingcha ahokya chitüi. Hwom mongtsik ma chem thathüt chitüi, ilaxle hwome ija dangle pao ang chitom.

¹²Ikhokhoma kue Teman tingnu hato kue wün ajoüi ilaxle Bozrah angkya zanhunuibu zokle ashunüi.”

¹³JOWANPAe thüile: “Amon noke ochax chatchatnaole lyendaoa, ikhoma kue hwom to sikngün ang tom angkya changle. Hwom zan to kale changpongma, hwom haxsüt achen angkya hanpakma, ojongjong Gilid tingnok to hwome sütok-naowokbu to ngaxchu chakmokle.

¹⁴Ikhokhoma kue Rabbah tingnu to wün ajo laxle tingtui tokya long katuk hia zanhunuibu zokle ashunüi. Ifüima azankya nyix sungdünle akhongkya tüiüi, ilaxle azankya a cheinu-watnu lailaile tüle shixle male changüi.

¹⁵Hwom wanghompa hia nguakax wangkhobu zanda ang kople paoüi.”