Read Wancho Naga Amos 6 Bible Online

Amos 6 - Wancho Naga bible

Amos 6

¹Zaion ma tokdomdale ngokya khünakbu, tamchu Samaria haxnubu ma chaza angkya chemchu müntüile ngokyabu, onok chongkya Israel haxtok ma chongkya lompabu, opang hato Israel homkhabu asunhüile nguipuix, ibu maxsax!

²Kalneh tingnu to paolaxle ito hulax.; Ifüima achongkya Hamath tingnu hato paolax; ilaxle Filistia nok angkya Gath tingnu to julax. Wangting ibu füi hwom wüi amüikya le hia? Wangting ibu Judah hia Israel nok füi müikya tamchu chongkya le hia?

³Thama apong angkya nyix nguingokya to hünzome changpule chitex, ikoxle mwot makhange ija hanpak chwonle ahüi ngopu.

⁴Luakzong füi zingkya lyakho to, thalix nyinubu ding to shuile, chun hosabu maihubu langle huak, ilaxle fongkhale saxngokyabu hanpakma thama chongkya tüile!

⁵Tsai zinglaxle hünzome, Dawid lailaile, ibu a thuaput-waxmai ding ang achangse tsu.

⁶Hünzome ju a pe ma awangle ling ilaxle ongan sümüikya füi pa, ikoxlechu Jusep maxkya to a mongmakya chitüi.

⁷Ikhoma zanda ang pongwang ma pao angkya hünzom ang changüi, hünzom fongsüt hia pangpwon a oshuk ang changüi.

⁸JOWANPA Khüthak Zang-e chix mün ma tsaotsütle thüi: “Kue Jakop mongngamkya thua anupu, hwom hom-haxbu zaxzangle changkya to a; kue tingnu hia ima atüitüi zannok chak to komkaile danüi.”

⁹Ilaxle homkha tuita ma mixsün bün toxle jangchang, hwom a zi ang tomüi.

¹⁰Ilaxle zikya mix zongto ma-mix, owae zokle ashunkya to humele hüipuix, ija khünake chix zatuabu homkha tokya alaiüi, chixe homzong to ngokya mix füi akaxüi: “Nang füi tomle athaxchu owawa tüichami?” Ija khünake lanüi: “Müntüi!” Ifüima ija ma-mixe thüiüi: “Dangle dangün! Keme JOWANPA mün chilün angkya bama khündong angkya changle.”

¹¹Chemtue JOWANPAe kaxtom koxpuix, chongkya hom pangwüi atsunüi, ilaxle hixkya hombu ofun-ofo ang achangüi.

¹²Longnubu tok to manbu zik ang tochami? Maihunu füi owawae hanbai le changchami? Ikoxle nang sukya kaxfün a khunhing ang achangdaoa ilaxle otsao pünziak a pün saxkya chong ang achangle—

¹³Hünzom opang Lodebar, ma mongmüile ngopuix, ilaxle owae: “keme Karmaim kem tsak-zong füi kem hanpak ang kopkya münchang hexnyi?”

¹⁴“Hulax, onok tuita hünzom füi ku alünle ajongüi, O Israel nok homkha”, le JOWANPA Khüthak Zang-e thüile; “ilaxle hwome Hamath lomnu makhange hwome hünzom to Arabah Shuasa alople sikangünle thomüi.”