Read Wancho Naga Jona 3 Bible Online

Jona 3 - Wancho Naga bible

Jona 3

¹Tamchatle chuwüi JOWANPAe Jona füi akax.

²Chixe thüi: “Ija chongkya Tingnu Ninewi to paokox ilaxle kue nang ang fadaokya kaxho ikhato apuk-kox.”

³Ikhoma JOWANPA kax ma laxle Jona ikhato pao. Ija a huanuma chongkya tingnu tuita ikhoma ija akaile aham ang nyix azom lax.

⁴Jona ija tingnu akaile le ang süt, ilaxle nyixta tungta le ahamle chang füima, chixe khuapu: “Nyix punyi mong ma Ninewi a amütüi!”

⁵Ninewi tingnu angkya khünaknue Zang kaxho to mongong. Ikhoma khünak pangwüi, chongkya makhange hixkya kople, hwom mong alopkya aho ang nyikhwon awunle chisax-chilingle atsao.

⁶Chemtue Ninewi tingnu angkya wanghompa-e ija kax atatpuix, chix wanghom tüntong angkya thai, ma tsangtsa angkya wanghom zapua put, nyikhwon awun, ilaxle haxbu khato thung.

⁷Chixe Ninewi tingnu angkya khünaknu hato khuapu ang paole thüi: “Ija a wanghompa tamchu chix nguakax wangkhobu tokhange khuapukya kax changle: Owaechu chemchu münsax-münling angkya changle; khünak pangnusa, osu-maihu hia chunbu chemechu süt sax ti lingle chang angkya abaxle kax koxpu.

⁸Khünak noknusae tamchu müi pangnusae nyikhwon awun angkya changle. Khünak pangnusae wüi mongkoxle zangjop angkya changle ilaxle hwom zanglom chimüikya hia thaikya mwot pangwüi dantox angkya oli changle.

⁹Ile jangchang thüikoxle owatsing Zang-echu chix mong alüixüi; chix mongtsik-mongma zaküi ilaxle kem chiziüi!”

¹⁰Hwome chem mokpuix ija Zang-e ngünle lax; hwome chichangchizangle tüikya hwom zanglombu dantoxkya Zang-e ngün. Zang-e chix mong alüix ilaxle chixe chem moküihex-ole akax daopuix, ija chimok.