Read Wancho Naga Huake Laipex 17 Bible Online

Huake Laipex 17 - Wancho Naga bible

Huake Laipex 17

¹JOWANPAe Mosa füi akax,

²“Israel khünaknu hama nang hato kiathox tuipong apüi angkya akaxkox, hwom homjen lompabu foto tuipong-tuipong. Chix kiathox ma ma-mün zalaxle chang ang tomkox,

³ilaxle Liwi homjen mün ma fakya kiathox ma Arun mün zalax. Hwom homjen lompabu foto kiathox tuipong tüiüi.

⁴Ibu a ku ngwotnui Nyihom to apüikox ilaxle ibu a Tsaotsüt Suak tunthoma dankox, ojong ma ku nang füi apong-pongpuix, ijong khama a.

⁵Ifüima kue zünle kopkya khünak kux kiathox ma osong chuiüi. Ile kue Israel khünakbue nang to chizakle kaxthup-ngaotün ngokya zak ang tomüi.”

⁶Ikhoma Mosa-e Israel khünaknu füi akax, ilaxle hwom lompabu pangwüie ma kiathoxthox apüile chix ang kox; kiathox tuita a homjen tuipong hanpak ang, ilaxle Arun kiathox chuwüi ibu füi tomle dan, pangwüi athüt koxle kiathox 12 tüikya.

⁷Ilaxle Mosa-e ibu kiathox pangwüi, JOWANPA Tsaotsüt Suak tunthoma, Nyihom ma dan.

⁸Ofüi nyix, Mosa Nyihom to nguikya zuma, Liwi hwom pangwüi tsyen ang koxkya Arun kiathox ma chuile osok dongkya ngün. Ija ma osok dongle ochak lai, ija pualaxle almon ziakle oziak jum!

⁹Mosa-e kiathox pangwüi alailaxle Israel khünaknu hato aho. Chemle changpuix ija hwome ngün ang kop. Lompa ibu pangwüie ma kiathoxthox achatle lax.

¹⁰JOWANPAe Mosa ang thüi: “Arun kiathox a Tsaotsüt Suak tunthoma chatle dankox. Ija a, Israel khünaknu alünle ajongkya bama, hwome kaxthup-ngaotünle ngokya zakle chichang thüiningle, hwome ma mik max angkya ataküi lükya kaxkhün tuita ang thom angkya changpu.”

¹¹JOWANPA kaxtom lailaile Mosa-e mok.

¹²Israel khünaknue Mosa ang thüi: “Jangchangba ijatix changa kwom ashuk angkya!

¹³Owawa Nyihom hato nguile jangchang thüingaxchu zi angkya jangchang thüiningle, kwom a omang thatha changa.”