Read Wancho Naga Huake Laipex 2 Bible Online

Huake Laipex 2 - Wancho Naga bible

Huake Laipex 2

¹JOWANPAe Mosa hia Arun nyi ang ibibi mwot adangle fa.

²Chemtue Israel khünakbue hwom thongnui zaile changüihex, khünak pangwüi ahanle fadaokya ma wanfan fang ma tamchu ma homjen nyiluak fang ma zaiüi. Pom a hwome Nyihom akhople zaiüi.

³Handün chikao ma, Judah homjen wanfan fang ma othom süile pom zaiüi. Hwom lompabu a ibibile changüi: [Homjen] — [Lompa] — [Huake] Judah — Aminadab sasün Nahshon — 74, 600 Isakar — Zuar sasün Nathanel — 54, 400 Zebulun — Helon sasün Eliab — 57, 400 Athüt koxle: — 186, 400 Judah hwom othom thoma leüi.

¹⁰Shuathongchi kaoma, Reuben homjen wanfan fang ma hwom othom süile pom zaiüi. Hwom lompabu ang a ibibile changüi: [Homjen] — [Lompa] — [Huake] Reuben — Shedeur sasün Elizur — 46, 500 Simeon — Zurishaddai sasün Shelumiel — 59, 300 Gad — Deuel sasün Eliasaf — 45, 650 Athüt koxle: — 151, 450 Anyi-lükya ma Reuben hwom othom leüi.

¹⁷Ifüima, pongwang angkya othom anyi füima tamchu füima tüikya othom anyi tunthoma Nyihom koplaxle Liwi hwom thom leüi. Hwom thongnui chemle süile zingle tüipuix, ilailaile hwom azutle ahamüi, khünaknu nok wüi ma nyiluakluak hato hüiüi

¹⁸Hannopchi kaoma Efraim homjen, hwom wanfan fang ma ibibi lompabu lomzun ma athongüi: [Homjen] — [Lompa] — [Huake] Efraim — Elishama a Amihud sasün — 40, 500 Manasseh — Gamaliel a Pedahzur sasün — 32, 200 Benjamin — Abidan a Gideon sasün — 35, 400 Athüt koxle: — 108, 100 Othom azom lükya ma Efraim homjen leüi.

²⁵Shuakux chikao ma Dan homjen hwom wanfan fang ma, lompabu ibibie azui laxle athongüi: [Homjen] — [Lompa] — [Huake] Dan — Amishadai sasün Ahiezar — 62, 700 Ashar — Okran sasün Pagiel — 41, 500 Neptali — En sasün Ahira — 53, 400 Athüt koxle: — 157, 600 Füikomle Dan homjen hüiüi.

³²Israel khünaknu mathom-mathom ma ahanle mün zalaxle tüikya pangnu athüt koxle 603, 550 khünak huak tüikya.

³³JOWANPAe Mosa ang kaxtom fakya lailaile, Liwi hwom a Israel khünakbu khato mün chiza.

³⁴Idaile JOWANPAe Mosa ang fakya kaxtom Israel khünaknue pangwüi mokle hüi. Hwom thongnui ma, ma wanfan fang ma athong ilaxle lekya machu ma homjen-jenle le.