Read Wancho Naga Huake Laipex 29 Bible Online

Huake Laipex 29 - Wancho Naga bible

Huake Laipex 29

¹Lyetnukua anüt lükya owang nyixkha hünzom a zangshwom ang asox angkya changle, idaile ija nyix mwot chemchu chimok angkya changpu. Ija nyix nyazongbu mütüi.

²JOWANPA zongto ongan müile ngankya, zokle ashunkya tö ang iningle laxkox: maihupongsa tuita, chun ola tuita, zanglao pong nguidaokya chun hosa olala anüt, ibu pangwüi fwot chemchu chitüitüi apüile laxkox.

³Saxziak tö ang an olip münga füi awon: ankhix tuak azom maihupong tuipong füi tomle, tuak anyi a chun ola füi tomle laxkox,

⁴ilaxle tuakpong a chunlasabu tuipong füi tomle laxkox.

⁵Ilaxle zwonpong tuita ochax tö hanpak ang laxkox, ile khünaknu khongai angkya zomzingle laxkox.

⁶Ibu a othuithuima koxle hüikya, lyetkua foto pongwang nyixnyix koxle hüikya zokle ashunkya tö ilaxle saxziak tö hia grepti-ju tö oja nyixfokya to koxle hüipuix, ibu obo ang laxkox. Ibu süt tö a JOWANPA zongto ongan tüle müikya changle.

⁷Lyetkua anüt ma nyixbün lükya to hünzom zangshwom ang asox kox; süt sax ti lingle taxchang tamchu mwot taxmok.

⁸JOWANPA zongto ongan müikya tuita, zokle ashunkya tö ang ibibile laxkox: maihupong tuita, chun ola tuita ilaxle zanglao pongkya chun hosa olala anüt, ojao ofwot chitüikya apüile laxkox.

⁹Saxziak tö ang an a olip münga füi awon ibibile laxkox: maihupongsa füi tomle ankhix tuak azom, chunla füi tomle ankhix tuak anyi,

¹⁰ilaxle chunlasabu tuipong füi tomle ankhix tuak tuipong laxkox.

¹¹Ilaxle zwonpong tuita ochax tö hanpak ang laxkox. Ija a khünaknu atsao angkya hanpakma koxkya zwon tamchu nyixfokya to koxkya zokle ashunkya tö hia saxziak tö ilaxle grepti-ju tö, ibu to obo ang laxkox.

¹²Lyetkua anüt ma nyixbün aga lükya to hünzom zangshwom ang asox kox. Ija pangpwon a JOWANPA mün achuakle nyix anüt nuikox ilaxle ituktuk ma mwot chemchu taxmok.

¹³Ija pangpwon owang lükya nyix JOWANPA zongto ongan müile ngankya süt tö ang ibibile laxkox: maihupongpong bün azom, chun ola anyi, zanglao pong nguidaokya chun hosa olala bünba ali, pangwüi ofwot chitüitüi laxkox.

¹⁴Saxziak tö ang ankhix olip münga füi awon ibibile laxkox: maihupongsa tuipong füi tomle ankhix tuak azom pong, chun ola tuipong füi tomle ankhix tuak anyipong,

¹⁵ilaxle ankhix tuak tuipong a chunlasa tuipong füi tomle, grepti-ju laxsese komle laxkox.

¹⁶Ilaxle zwonpong tuita chuwüi ochax tö hanpak ang laxkox. Ibu a nyixfokya to saxziak tö hia grepti-ju tö füi tomle zokle ashunkya tö obo ang laxkox.

¹⁷Ofüinyix maihupong bün anyi, chunla anyi, ilaxle zanglao tuipong nguidaokya chun hosa olala bünba ali, pangwüi ofwot chizaizai laxkox.

¹⁸Ibu füi tomle pongwang nyix koxkya tö pangwüi laxkox.

²⁰Nyix azom lükya to, maihupong bünbüta, chunla anyi, ilaxle zanglao tuipong nguidaokya chun hosa olala bünba ali laxkox.

²¹Ibu füi tomle pongwang nyix koxkyakya tö komle laxkox.

²³Nyix ali lükya to maihupong bün, chunla anyi, ilaxle zanglao pong nguidaokya chun hosa olala bünba ali, pangwüi ojao ofwot chizaizai laxkox.

²⁴Ibu füi tomle pongwang nyix koxpupu tö komle laxkox.

²⁶Nyix aga lükya to maihupong aku, chunla anyi, zanglao pong nguidaokya chun hosa olala bünba ali, pangwüi ofwot chitüitüi laxkox.

²⁷Ibu füi tomle pongwang nyix koxkya töbu komle laxkox.

²⁹Nyix azoklükya to maihupong achyet, chun hosa anyi ilaxle zanglao pong nguidaokya chun hosa olala bünba ali, pangwüi ofwot chizaikyakya laxkox.

³⁰Ibu füi tomle pongwang nyix koxpupu tö pangwüi laxkox.

³²Nyix anüt lükya to maihupong anüt, chunla anyi, zanglao pong nguidaokya chun hosa olala bünba ali, pangwüi ofwot chemchu chitüitüi laxkox.

³³Ibu füi tomle pongwang nyix koxpupu tö pangwüi laxkox.

³⁵Nyix achyet lükya to hünzom zangshwom ang asox kox, ija nyix mwot ojao taxmok.

³⁶JOWANPA zongto ongan müikya süt tö ang zokle ashunkya tö ibibile laxkox: maihupong tuita, chunla tuita ilaxle zanglao tuipong nguidaokya chun hosa olala anüt, pangwüi ofwot chitüitüi laxkox.

³⁷Ibu füi tomle pongwang nyix koxpupu tö komle laxkox.

³⁹Ibibi a zokle ashunkya tö, süt tö, grepti-ju tö tamchu notom-tusüi pangpwon-pwonba JOWANPA ang kox angkya tö, ibu hanpak wanlombu changpu. Ibu a hünzome koxkya tsaotsüt tö hia mongtex töbu obo ang changpu.

⁴⁰Idaile JOWANPAe kaxtom fapupu pangwüi Mosa-e Israel khünaknu hama wün.