Read Wancho Naga Huake Laipex 3 Bible Online

Huake Laipex 3 - Wancho Naga bible

Huake Laipex 3

¹Ija a Sinai haxnukho to JOWANPAe Mosa füi zangwün pongma tüikya Mosa hia Arun nyi füikya haxnu-homsabu changle.

²Arun ang sasün hwom ali tüikya: Nadap, chix a tüichongpa, Abihu, Eliazar ilaxle Ithamar.

³Hwom a nguapabu ang münga füi lilaxle zünle dan.

⁴Ikoxlechu Nadap hia Abihu nyi a, Sinai haxnu ma hokhie JOWANPA ang chitsaokya wün to koxle changpongma mik amüt. Okhi ang su-sa chitüi, ikhoma Eliazar hia Ithamar nyie Arun tsün ma ngua mwot mokle hüi.

⁵JOWANPAe Mosa ang thüi:

⁶“Liwi homjen apüilax ilaxle zompu-zangpabu ningle hwome Arun to fongle chix thothale chang ang tomkox.

⁷Hwome, ku ngwotnui Nyihom ma moksese mwot komle moküi ilaxle khünaknu hanpakma tö koxle ngua mwotchu moküi.

⁸Nyihom angkya tuina to komle hwome hu-meüi ilaxle Israel khünaknu hanpak ang zomzing angkya nguapa mwot komle alankoxüi.

⁹Liwi hwom mwot a Nguapa Arun hia sasün hwom mwot mokle kox angkya tata wüi.

¹⁰Ngua mwot tsuakle mokle hüikuxma nange Arun hia chix sasün hwom zünle kopkox; mama owawae ija mwot mok ang jang-azong, chix a mik max ang tom angkya oli.”

¹¹JOWANPAe Mosa ang thüi:

¹²“Athaxpi Liwi hwom a ku kux ang changüi. Chemtue kue Ijip nok to tüichongpapa mik amütle changpuix, kue ku tsyen ang Israel pang homkha towüi tüichongpapa atsaole laxpu ibomachu tsom-pom pongwang ma puxkya pangwüi laxpu. Athaxpi, Israel kako pangwüi to tüichongpapa ku tsyen ang laxkya lüix ma, ku ang Liwi hwom tüile. Hwom a ku kux ang changüi, ku a JOWANPA changle.”

¹³

¹⁴Sinai faonu mongto JOWANPAe Mosa ang

¹⁵Liwi hwom saxthom-saxthom hia kako-kako ma süile, lyet tuita makhange thakchichi lüka sühuak pangwüi mün zale kop angkya kax kox,

¹⁶ilaxle Mosa-e ile mok.

¹⁷Liwi ang sasün hwom azom tüikya: Gershon, Kohath ilaxle Merari; ibu a hwom mün koplaxle tüikya saxthom hwom putongbu changkya. Gershon ang sasün anyi tüikya: Libni hia Shimei nyi; Kohath ang sasün hwom ali tüikya: Amram, Izhar, Hebron, ilaxle Uzziel; üntoxle Merari ang sasün anyi tüikya: Mahli hia Mushi nyi. Ibu a hwom mün koplaxle tüikya homkhabu putong changkya.

¹⁸

¹⁹

²⁰

²¹Gershon homjen a saxthom anyi, Libni hia Shimei nyi makhange zingle tüikya.

²²Lyetkua tuita makhange thakchichi lüka sühuak akiakle zale kopkya a mixhuak 7500 changkya.

²³Ija saxthom a Nyihom nuakfüi hannopchi kaoma athong,

²⁴hwom lompa ang Lael sasün Eliasaf changkya.

²⁵Hwom a Nyihom to hommongchi ma tukkya, kotok to tukkya, ilaxle fülom angkya tuknyi,

²⁶Nyihom hia tö-tsap akhople tüikya khwa angkya tuknyi ilaxle khwa fülom angkya tuknyibu, ibibi tuina füima mwot-katbu to hume angkya a hwom hünlit changkya.

²⁷Kohath saxthom ma ibibi homkha tüikya: Amram, Izhar, Hebron, ilaxle Uzziel.

²⁸Lyetkua tuita makhange thakchichi akiakkya lüka sühuak pangnu athüt koxle 8600 tüikya.

²⁹Hwom saxthom a Nyihom zongma shuathong chikao ma athong.

³⁰Uziel sasün Elizafan a hwom lompa changkya.

³¹Hwome a tuina ibibi to hu ang tom: Tsaotsüt Suak, tsap-khua, wüntik lotsapbu, tö-tsap, nguapabue Otsao Nui ma lax-twonkya tiklakbu, ilaxle Otsao Nui fülom ma tukkya nyinu: Ibibi tuina füikya mwot-kat to hume angkya hwom hünlit changkya.

³²Nguapa Arun sasün Eliazar a Liwi saxthom ma akhokya lompa changkya. Ataxkya Otsao Nui ma mwotmok angkya pangwüi to chixe tix hume.

³³Merari saxthom a Mahli hia Mushi nyi homkha füi zingle tüikya.

³⁴Lyetkua tuita makhange thakchichi akiakkya lükya sühuak pangnu 6200 tüikya.

³⁵Hwom saxthom a Nyihom zongma shuakuxchi kaoma athong. Abihail sasün Zuriel a hwom lompa changkya.

³⁶Hwom ang mwot ibibile kox: Nyihom atsao angkya, thongnu-tafak küi angkya, ibu küi ang thongkha tho angkya, ilaxle ibu athut-apongle hom atsa angkya. Ibu füikya süt-mwot bama hwom hünlit changkya.

³⁷Homtho nya-o ma thongküi angkya, ija thongkha tho angkya, fakthua thua angkya hia khak-kha angkya chuwüi hwom mwot changkya.

³⁸Mosa hia Arun tamchu hwom su-sabu a Nyihom tuntho handünchi kaoma athong. Otsao Nui ma Israel khünak hanpak ang chempangsa mokpuix, ibu pangwüi hwom hünlit changkya. Owawae ija ningkya mok ang azongkya mix a mik amüt.

³⁹JOWANPA kaxtom ma Mosa-e Liwi saxthom angkya lüka sühuak lyetkua tuita makhange thakchichi akiak koxle 22000 bang.

⁴⁰JOWANPAe Mosa ang thüi: “Israel khünak tüichongpapa mün zale lyetkua tuita makhange thakchichi akiaklax. Kue hwom lüi ma Liwi hwom ku kux ang laxpu! Ku a JOWANPA changle! Noknu tsom-pom kha angkya pongwang ma puxkya ku kux changpu ikoxlechu ibu lüi ma kue Liwi hwom tsom-pom pangwüi ku kux ang laxpu.”

⁴¹

⁴²Mosa-e JOWANPA kaxtom ma lax ilaxle tüichongpapa mün zale akiak.

⁴³Hwom a lyetkua tuita makhange thakchichi; pangwüi athüt koxle 22, 273 tüikya.

⁴⁴JOWANPAe Mosa ang thüi:

⁴⁵“Athaxpi Israel nok naosom tüichongpapa lüi ma Liwi homkha pangwüi tamchu Israel nok tsom-pom owang ma apuxpux lüi ma Liwi hwom tsom-pom pangwüi ku kux ang achangüi.

⁴⁶Israel nok naosom tüichongpapa athüt koxle Liwi hwom to 273 e nüile tüikya daile, ibu onüi tüikya naosom a hünzome shakle tüi angkya changle.

⁴⁷Onok thathop ma tyalaxle mixhuak tuipong to jang-ngun huak aga pong koxle shak angkya changle,

⁴⁸ilaxle ija ngun a Arun hia chix sasün hwom chak to laxkox.”

⁴⁹Mosa-e ija kax ma laxle

⁵⁰1365 jan-ngun khix kop

⁵¹ilaxle ibu Arun hia chix sasün hwom chak to kox.