Read Wancho Naga Huake Laipex 34 Bible Online

Huake Laipex 34 - Wancho Naga bible

Huake Laipex 34

¹JOWANPAe Mosa ang

²Israel khünaknu hanpak ang ibibi kax adangle fa: “Chemtue hünzom, kue hünzom ang koxkya haxtok, Kanan chaxwan to nopüihex, hünzom haxsüt longzi a ibibile changüi.

³Shuathongchi haxsüt longzi a Zin faonu makhange Edom longzi pong alople changüi. Handün chikao longzi a Omang Tinu shuathong ashukkya makhange owang wangle,

⁴shuathongchichi le lele Akrabim lomnu chito hüile Zin akaile lekya Kadesh Barnia alople changüi. Ifüima longzi ija shuakuxchi hannop to kwonle Hagar Addar alople le, imakhange Azmon chitole le

⁵Ijip nok longzipong chito tüikya haxnucha chitole le Mediterenian oshuk alople changüi.

⁶“Hannopchi longzi a Mediterenian Tinu changüi.

⁷Shuakuxchi longzi a Mediterenian makhange Hor Haxnu alople,

⁸ilaxle imakhange Hamath lomnu alople changüi. Ija a Zedad alople leüi

⁹ilaxle imakhange Zifron alopüi, ija Hazar Enan ma ashuküi.

¹⁰“Handünchi longzi a Hazar Enan makhange Shefam to leüi.

¹¹Ifüima ija shuathong chitole le Harbel, Ain zongma handünchi alopüi, ilaxle Galili Shinthuk-titung kax handün angkya haxhua to leüi,

¹²imakhange shuathong chito Jordan shuanu fole jule Omang Tinu alopüi. Ibibi a hünzom haxsüt, handün-hannop hia shuakux-shuathong longzibu changüi.”

¹³Mosa-e Israel khünaknu ang thüi: “Ija a hünzome chizing tswonlaxle zingmüi ma ahanle lax angkya haxtok changle. Ija a JOWANPAe homjen aku boma süifi ang koxkya haxtok changpu.

¹⁴Reuben, Gad hia Manasseh homjen süifi, hwom saxthom-saxthom ma ahanlaxle mating matoktok le kopdaoa.

¹⁵Hwome kopkya haxsüt a Jordan shuanu zongma handünchi kao, Jeriko tingnu füi atale tüikya kha changpu.”

¹⁶JOWANPAe Mosa ang thüi:

¹⁷“Khünaknu ang haxtok a nguapa Eliazar hia Nun sasün Jihusua nyie ahanle kox angkya changle.

¹⁸Ija haxtok ahankya to fong ang homjen foto lompa tuipong laxlax.”

¹⁹Ibu mixhuakbu a JOWANPAe zünle kopkyabu changle: [Jat-li] — [Lompa] Judah — Jefuneh sasün Kaleb Simeon — Amihud sasün Shelumiel Benjamin — Kislon sasün Elidad Dan — Jogli sasün Bukki Manasseh — Efod sasün Hanniel Efraim — Shiftan sasün Kemuel Zebulun — Parnak sasün Elizafan Isakar — Azan sasün Paltiel Ashar — Shelomi sasün Ahihud Neptali — Amihud sasün Pedahel

²⁹Ibibi khünak a, Kanan haxtok Israel nok ang tom-hanle kox angkya hanpakma hünlit koxle thomkyabu changle.