Read Wancho Naga Mika 2 Bible Online

Mika 2 - Wancho Naga bible

Mika 2

¹Mik azangle shuile ngo üntoxle ochax mwotlom zingle ngokyabu hanpakma chemtukux khomtsi angkya tüipuix! Chemtue huazungle zangngaipuix, hwome oshua müikya ziasyen atakkya füi tomle, hwome zingle thomdaokya ochax mwot hwome mok.

²Chemtue hwome haxtok laxse tsupuix, hwome ibu zongma pale lax; chemtue hwom hom laxse tsupuix, hwome ibu lax. Hwom thüntho ma opupu tuina chu chem chithüile thom ang chitho.

³Ikhoma JOWANPAe akax: “Kue hünzom hato thama apüi ang mongzangwünle ngole, ilaxle ija chak tokya hünzom azangle pao ang münthopu. Ma thoma alüile hünzom a thama ma bangüi, ifüima hexle athaxpi hünzom ongam ahole aham angkya chitüiüi.

⁴Chemtue ija hanpak nguile hüipuix, hünzome apong daokya thama a khünaknue tuita wanwünkax ang twonüi, ilaxle hünzome apongle hüidaokya thama to saile hwome tsai ma ile ngaoüi: Kwom a oli thule amadaoa! Kwom haxtok a JOWANPAe laxlaxtoxdaoa Ilaxle ija a zanda ang kwom kople paokyabu chak to koxdaoa.”

⁵Ikhoma, JOWANPA khünakbu ang ija haxtok achatle kox ang tu nguile hüipongma, ikhama hünzom süntswon ikuxsa ngaxchu müntüiüi.

⁶Khünaknue ku hama hwon-anole thüi: “Kwom hama hwon taxano. Ijabu bama kwom hama taxwün ngo. Zang-e kwom to anu-ahaile changüi münchang.

⁷Hünzome Israel khünaknu a othuak-ozom ma ngole le thütpia? JOWANPAe adukya amütdaopia? Otsing tomtata ma chixe iningkya mwot mok ang chami? Chixe sukya mwot mokkyabu füi chingcha ma zang münwün hexnyi?”

⁸JOWANPAe lan: “Hünzome ku khünaknu to zan nok to singpupu le sing. Zantam tokya khünaknu, homhax haxmüi-zangmale tüile le ajangle chat, ikoxle ikhama hünzom a, hwom tok angkya nyiwunbu ahuxle pa-pao ang tanle nui.

⁹Hwome mongkünle tüikya homkha angkya hünzome ku khünak shekobu jwon, ilaxle othuithui hanpak ang kue hwom ang koxkya naosombu hünzome hwom chak tokya pale pao.

¹⁰Zolax üntoxle paolax; ikhama athax hünzom hanpakma azang angkya onui müntüi. Hünzom ochaxe ijakha a olithukya thama adündaoa.

¹¹“Kaxthai hia dyen-ngankyae awangle, ‘Nang hanpakma ju-sax jenle-jenle naxtüi’ le ajele aham ngokya ajepa ija khünakbue laxse tsule.

¹²“Ikoxlechu Israel khünak hünzom danle toxkyabu, kue hünzom pangwüi asox-atom ang tomüi. Kue hünzom a chunbu opom to wangkya ningle pangwüi chatle asox ang tomüi. Wunsa khato chune awangle tüikya ningle, hünzom haxtok a khünaknue awangle changüi.”

¹³Zang-e hwom ang lom daple koxüi ilaxle zanda ang ngokya hwom alaile apüiüi. Hwom a tinglongbu pan daple lailaxle mongtex ma ahamle paoüi. Hwom chongwangpa, JOWANPA chix jaoe hwom zunle alaiüi.