Read Wancho Naga Mika 3 Bible Online

Mika 3 - Wancho Naga bible

Mika 3

¹Apalax, hünzom Israel nok lompabu! Hünzome sukya kaxfün bama mongkoxse changhupu,

²ikoxlechu hünzome chem müipuix ija thua anu ikoxle chem ochax hex ija to mongkün. Hünzome ozün ma wüi ku khünaknu khwon khuak ilaxle hwom zabu angkya hak lik.

³Hünzome ku khünaknu saxle awüt. Hünzome hwom khwon atsi, hwom zabu apak, ilaxle hwom müibu a tik ma sho ang tsople akhix.

⁴Hünzome JOWANPA to nyakle akhong angkya hanpak hüile ngole, ikoxlechu chixe hünzom to apaüi münchang. Chixe hünzom zangjop to münlanüi, chemthüikoxle hünzome ochax mwot mokdaoa.

⁵Hwom ang otha koxle changkyabu ang mongsom koxüile tsaosaxkya ajebue ku khünaknu dyendaoa. Hwom ang otha chikoxkyabu ang ochax-ozan thama apong angkya aza. Ibu ajebu füi JOWANPAe akaxle,

⁶“Ajepahom, hünzom hanpak zanghan a kaipu; hünzom zanghannu a dütüi khakha. Hünzome ku khünaknu ochei lom to zunle paokya khoma, athaxpi hünzom ang ajekya zakdaoüi, ilaxle hünzome füichi hanpak bama chemchu akax ang münthoüi.”

⁷Opange füichi hanpak bama ajele akaxlaxüihex, hwom kax ningle changle chingaikya zuma hwom thajao-wünhaile changüi. Hwom pangnu wüi thünkhux-thajaole chang ang tomüi chemthüikoxle Zang-e hwom kax to chilan koxle.

⁸Ikoxlechu ku hanpakma, JOWANPAe ku a chix chasa hia tsak-zonge awangle koxpu, ilaxle Israel nok hama hwom ochax chem hex ija bama ngaile fa angkya ku ang tutex sukya hia mongchen fapu.

⁹Ku kax apalax, hünzom Israel nok lompabu, hünzom sukya thua anukyabu tamchu sukya chisukya ang achangkyabu.

¹⁰Hünzome mix mik-amütkya hia chisukya chifün ang lax üntoxle Zang tingnu Jerusalem zingle ngopu.

¹¹Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi JOWANPA a hwom füi tüile le akax. Hwome thüi: “Kwom hato thomzün chemchu münhüiüi. JOWANPA a kwom füi tüile.”

¹²Üntoxle hünzom kho-khoma Zaion haxtok a ti hax mokya ningle moüi, Jerusalem a homtsyen-pungmang athünkyae awangle changüi, ilaxle Zangshwom-Hom a faokha ang achangüi.