Read Wancho Naga Hagao 1 Bible Online

Hagao 1 - Wancho Naga bible

Hagao 1

¹Parsia nok ma wanghompa ang Dairas ngokya tukma, lyetnukua azoklükya pongwang nyixkha, JOWANPA-E ajepa Hagai makhange zangwün. Kaxho a Judah angkya gowarnor, Shealtiel sasün Zerubbabel hia Jeozadak sasün Nguakho Jihusua hwom hanpakma changkya.

²JOWANPA Khüthak Zang-e Hagai ang thüi: “Ibu khünakbue athax a Zangshwom-Hom zai angkya tunu münchangle thüitüia.”

³Ifüima JOWANPA ija kaxho ajepa Hagai makhange khünaknu ang kox:

⁴“Ku khünaknu, ku zangshwom Hom a pünle awüt laxle otam tata ngotüi, jangchangthüiba hünzome a büthüikoxle haxtak-zangmongle zaikya hombu ma ngo angkya?

⁵Hünzom to chemle changle ngopuix ija hünzome mün-ngün hexnyi?

⁶Hünzome sax müimamale shitdaoa, ikoxlechu hidaole wüi züt ang koppu. Hünzom ang sax angkya süt tüile, ikoxlechu hünzom hanpakma wokfwot müitang okhonguile chichang. Hünzom ang ling angkya grepti-ju tüipu, ikoxlechu hünzom to tokle lingtang chitüipu! zom ang nyi-za tüile, ikoxlechu hünzom tsangtsa alomle thomtang chichang. Üntoxle hingchak achakkyabue ifüi okhonguile ngotang achak ang chitho.

⁷Ija ile chemthüikoxle changpuix, hünzome ngün ang tocha?

⁸Athax haxnukho to donglax, pündak mix koplax, ilaxle Zangshwom-Hom azünle zailax; ifüima ku ang mongmüiüi üntoxle ku to chemle shwomse hex ile shwomüi.

⁹“Hünzome sax huanuma züt ang kopüile ongle ngokya, ikoxle hidaole wüi ang achang. Üntoxle chemtue saxziak hünzome hom to wünpuix, kue ibu zangwin to pile pao ang tom. Kue ija ile büthüikoxle mok? Ku Zangshwom-Hom a pünle ama thomlaxle hünzom a mahax mahom-hom zai ang chakjao chingaile azong ngokya khoma kue ile mokpu.

¹⁰Ikhoma zangwat chemchu chitüi ilaxle chemchu nyem ang chitho.

¹¹Kue haxtok hato otui-onuak apüipu--ija haxhuabu hato, saxziak zimfa ma, grep haxtok ma, ilaxlechu olip haxtok--haxtok ma alailai saxziak pangwüi hato, khünaknu hia müi-nyax pangwüi hato, hünzome küi-thwomle alai ang azongkya pangnuli hato zanle zi angkya apüipu.”

¹²Ifüima Zerubbabel hia Jihusua üntoxle Babilon nok to zanda ang ngokya chatkya khünakbu pangwüie JOWANPA hwom ang chemle akaxpuix ile mok. Hwom za ilaxle JOWANPA kaxhomix Hagai kax ma lax.

¹³Ifüima Hagai-e khünaknu ang JOWANPA kaxho kox: “Ku a hünzom füi ngoüi--ija aku kaxtsao changle.”

¹⁴Zangshwom-Hom ma mwot mok angkya hanpakma JOWANPA pangnusa füi chasa makhange zangwün: Judah haxtok angkya gowarnor Zerubbabel; Nguakho Jihusua, ilaxle zanda ang ngokya chatkya khünaknu pangnu. Hwome, hwom Khüthak Zang JOWANPA Zangshwom-Hom ma mwot mok ang süt,

¹⁵lyetnukua azok ma nyixtsa-ali nyixkha mwot owang wangle chang. Ija a Dairas wanghom ang ngokya zanglao anyi lükya to changkya.