Read Wancho Naga Hagao 2 Bible Online

Hagao 2 - Wancho Naga bible

Hagao 2

¹Ija zanglao lyetnukua anüt lükya to nyixtsa ata nyixkha, JOWANPA ajepa Hagai füi anaolechu zangwün.

²Judah nok gowarnor Zerubbabel, Nguakho Jihusua ilaxle khünaknu pangnu füi ile akax ang tom:

³“Amipongkya Zangshwom-Hom chemtukuxle osün müile tüikya dai, hünzom khama owawae wüntsuak ang cha? Athax ija hünzome chemle ngün? Amikya tuto ija chemchu chichangkya ningle ngüntüi angpu.

⁴Ikoxlechu athax hünzom khama owa mong chu taxhi. Mwt omok-omok mokkox, chemthüikoxle ku a hünzom füi tüile.

⁵Chemtue hünzom Ijip nok tokya laipuix, ipongma kue ku a hünzom füi othuithuima ngo angkya tsaosaxle changdaoa. Athax kople ku hünzom füi tüipu, idaile hünzom ojao taxza.

⁶“Alüile chingo homtoxle kue ding-hi-hax, chaxwantok hia tinu sile aloxüi.

⁷Jat-libu pangwüi kue asongle thoküi, ilaxle hwom tuina ikhato apüiüi, ilaxle Zangshwom-Hom a tuiza-nakome awangle changüi.

⁸Chaxwannu angkya hun hia khop pangwüi ku kux changpu.

⁹Zangshwom-Hom hozün a hozang füi ataitoxle osün müile tüiüi. Ikhato kue ku khünaknu ang ahak-aluakya hia tumüi-lomkhaole ngo ang tomüi.” JOWANPA khüthak Zang-e akaxdaoa.

¹⁰Dairas wanghome apünkya zanglao anyi lükya to lyetnukua aku angkya hanpak nyixtsa-ali lükya to JOWANPA, Khüthak Zang-e ajepa Hagai füi chatle zangwün.

¹¹Chixe thüi: “Ija kax atüikya bama zompu-zangpabue chemle lanüihex, hwom ma atüile anohu:

¹²Namthütba tö ang koxkya kha angkya müifun owawae ma nyitua ma ashep le pao. Chixe ija nyitua füi, an, amyet daokya sax, grepti-ju, olip münga, chichangba sütli tüta ningkya tochu lyetle jangchangdaoba, ija chuwüi sütli-lingli tö kox ang atsaodaokya khato womünpia?” Chemtue ija kax atüipuix, zompu-zangpabue lan: “Münchang.”

¹³Ifüima Hagai-e atüi: “Thütba owawa a müimang to twonkya makhange chitsaokya ang achang, ilaxle chixe ibu sütli-lingli tütali to lyetle jangchang thüiningle, ija khünakchu chitsaokya ang achang pia?” Zompu-zangpabue lan: “Changle.”

¹⁴Ifüima Hagai-e thüi: “JOWANPA thüile, ija jat-li angkya khünaknu hia ija haxtok ma alaikya pangwüi hanpakma ija wanlom tuitata wüi changle; ikhoma chempang tö-tsap ma hwome tö koxlaxpuix, pangwüi chitsaokya ang achangdaoa.”

¹⁵JOWANPA thüi: “Hünzom to chemle changpuix hünzome mün-ngün hia? Hünzome Zangshwom-Hom zai angkya mwot owang wangüi thoto wüi,

¹⁶nua tsa bangüi le ong ilaxle saxziak zütle athün thomkya hato nang ngui, ikoxle ikhama nua bün bang tang wüi. Nange bom tuita angkya grepti-ju tize punyi-bün khole lax ang pao, ikoxle nang thoma petsa wüi bangpu.

¹⁷Kue chei-hi-jun ahüile hünzome küi-thwom ang azongkya pangwüi ama, ikoxlechu hünzom ang mong chialüixpu.

¹⁸Anyix lyetnukua aku ma nyixtsa ali lükya hanpak changpu. Ija nyixkha Zangshwom-Hom homting zaikya tsuakle hüikya changpu. Athax makhange chemle changüihex hulax.

¹⁹Saxziak ota chemchu chitox, üntoxle grepzu, fupsa pün, pomegrenetbu, ilaxle olip pün, ibu athax kople chemchu malai, ikoxlechu athax makhange kue hünzom to mohimanüi.”

²⁰Ija nyix kha wüi, ija lyetnu ma nyixtsa ali nyixkha, JOWANPA Hagai ang anyi-lükya kaxho kox.

²¹Ija kaxho a Judah gowarnor Zerubbabel hanpakma changkya. JOWANPA thüi: “Kue ding-hi-hax sile aloxüi khakha

²²ilaxle wangtingbu tsungle thokle hwom tsak-zong amütüi khakha. Kue man-kanlin hia ija ahamkya khünakbu asongle thoküi; manbu a zile paoüi ilaxle ibu zopkya khünakbue tata alang-ahuakle changüi.

²³Ija nyix, ku dapa Zerubbabel, kue nang kopüi, ilaxle kue nang ku mün ma apün-ada angkya hanpakma kamle kopüi. Nang a tuita kue zünle kopkya mix changle.” Khüthak Zang, JOWANPA, kue akaxdaoa.