Read Wancho Naga Zekaria 2 Bible Online

Zekaria 2 - Wancho Naga bible

Zekaria 2

¹Mama mikngün-ohün tuita ma kue chix chak ma thüt angkya kia koplaxle mixsün tuita ngün.

²Kue atüi: “Nang omaüi?” Chixe lan: “Olwot hia okhao ma Jerusalem chemtukux tüipuixle thüt ang paüi.”

³Ifüima ku füi akaxle ngokya kaxtaimix thüntho chito achale hüikya kue ngün, ilaxle chix füi apong ang mama kaxtaimix tuita hüi.

⁴Pongwang angkya mixsüne ata sün füi akaxle thüi: “Katuk mong ma onui chitüile, Jerusalem ma, khünak hia tsom-pom huanuma tüi angkya tale chix hato zikle hüilaxle chak ma thüt angkya kia koplaxle ngokya chuja mixsün füi akaxkox.

⁵JOWANPA chixjao ija tingnu zongto wün katuk ang changüi ilaxle chix fuazangkya füi ikhama ngo angkya changle.”

⁶JOWANPA c hix khünaknu füi akax: “Kue hünzom lomkua pangwüi chito afale fan ang tompu. Ikoxle athax hünzom zanda ang ngokyabu, hünzom Babilon nok chak tokya paole azang laxle Jerusalem to chatpu.

⁸Owawae hünzom to honghe le jangchang, ku zongto akhokya thalix to honghekya ang changpu.” Ikhoma JOWANPA Khüthak Zang-e chix khünaknu max-sam ang tomkyabu jat-libu hato ija kaxho füi ku tomle ahüipu:

⁹“JOWANPA chix jao hünzom füi alünle azanüi, ilaxle hanpak tuita ma hünzom zanda ang ngokyabue hünzom maxsam ang tomüi.” Chemtue ibu pangwüi changle hüiüihex, ku a JOWANPA Khüthak Zang-e ahüikya changpule noknusa awan ang kopüi.

¹⁰JOWANPA thüi: “Jerusalem angkya khünaknu, mongmüi to tsai ngaokox! Ku a hünzom khato ngo ang nguingole!”

¹¹Ipongma jat-libu tüle-tüle JOWANPA tamchu chix khünaknu hato nguiüi. Chix a hünzom khama ngoüi, ilaxle ku a chixe ahüikya changpule hünzome awan ang kopüi.

¹²Anaole chuwüi, chix otsao haxtok ma, Judah a JOWANPA zongto ataxkya tuina ang changüi, üntoxle Jerusalem a chixe ataxle mongkünkya tingnu ang changüi.

¹³JOWANPA tunthoma pangwüi dangjale ngohüi, chemthüikoxle chix a chix otsao ngwotnui tokya nguile ngole.