Read Wancho Naga Malaki 4 Bible Online

Malaki 4 - Wancho Naga bible

Malaki 4

¹JOWANPAe akax: “Ongam hia ochax khünakbu tsaxsa zokle ashun pupu le zokle ashun angkya hanpak nguile hüingole. Ija nyix hwom a zokle ashunüi, ilaxle hwom owachu atale chitoxüi.

²Ikoxlechu ku kax ma laxle tüikyabu hanpakma, zanghan dongkya ningle hünzom hato ku khosün dongüi ilaxle zanghan chasa lailaile kakmüi-lakcha ang tomüi. Hünzom a maihu kun kha angkya alaile dankya maihusa lailaile changüi.

³Kue ija mwot mokkya nyix, hünzome ochax to lütkya tüiüi, ilaxle hwom a hünzom chifa fang tokya haxbu ningle.

⁴“Ku dapa Mosa hwon-nwot texle ataklax. Kue chix makhange, Sinai haxnukho to, Israel khünaknu pangnusa hanpakma koxkya wanlombu hia kaxtombu texle ataklax.

⁵“Ikoxlechu ipong chongkya hia za-adünkya JOWANPA hanpak nguile hüiüi thoto, kue hünzom hato ajepa Elija ahüiüi.

⁶Chixe hopa hia sasün hwom tamchatle wonmüi ang tomüi; ile chichang thüikoxle ku nguilaxle kem haxtok a komkaile olithule amadaose.”