Read Wancho Naga Mathi 1 Bible Online

Mathi 1 - Wancho Naga bible

Mathi 1

¹Ija a Abraham sasün Dawid, Dawid sasün Jisu Khrista zu-jem pukax changpu.

²Abraham sasün Isak, Isak sasün Jakop; üntoxle Jakop sasün Judah hotüi honao hwom.

³Tamar makhange Judah-e sasün Perez hia Zerah hwom pux. Perez sasün Hezron; Hezron sasün Ram;

⁴Ram sasün Amminadab; Amminadab sasün Nahshon; Nahshon sasün Salmon;

⁵Üntoxle Salmon-e Rahap makhange sasün Boaz pux; Boaz-e Rut makhange sasün Obed pux; Obed sasün Jesse;

⁶Jesse sasün Wanghompa Dawid. Ziünkya Uriah kakonu makhange Dawid-e sasün Solomon pux;

⁷Solomon sasün Rehoboam; Rehoboam sasün Abia; Abia sasün Asa;

⁸Asa sasün Jehusafat; Jehusafat sasün Juram; Juram sasün Uzziah;

⁹Uzziah sasün Jotham; Jotham sasün Ahaz; Ahaz sasün Hezekiah;

¹⁰Hezekiah sasün Manasseh; Manasseh sasün Amon; Amon sasün Josiah;

¹¹Üntoxle Babilon chaxwan to kople pao pongma Josiah-e sasün Jehoiakin hia hotüi honao hwom pux.

¹²Tamchu Babilon chaxwan to kople paokya füima Josiah-e sasün Shealtiel pux; Shealtiel sasün Jerobabel;

¹³Jerobabel sasün Abiud; Abiud sasün Eliakim; Eliakim sasün Azor;

¹⁴Azor sasün Zadok; Zadok sasün Akim; Akim sasün Eliud;

¹⁵Eliud sasün Eliazar; Eliazar sasün Mathan; Mathan sasün Jakop;

¹⁶Jakop sasün Jusep (Meri kakopa); ija Meri makhange Khrista le nyakkya Jisu pux.

¹⁷Ile Abraham makhange Dawid kople tsün bün-ali; Dawid makhange Babilon to kople paokya kople tsün bün-ali; ilaxle ija makhange Jisu puxkya kople tsün bün-ali.

¹⁸Jisu Khrista ile pux: Chix honu Meri Jusep ma wünle thomkya füima; hokhi aju-asomle machang tanto wüi, Otsao Chasa makhange she ma nao ngui.

¹⁹She kakopa Jusep a chithaikya mixsün changkya, ikhoma chixe Meri ang noknue awanle thünzak koxse chitsu; idaile huxsa ma she füi fan angkya olom zing.

²⁰Ikoxle, hulax, chix ile khosam ma ngoponge, Jowanpa kaxtaimix tuitae wünmang chito chix füi ile akax: “Dawid sasün Jusep, nange Meri ma kakonu ang lax ang taxza; chemthüikoxle she ma nao a Otsao Chasa makhange nguidongkya changle.

²¹She-e sasün tuita puxüi; nange chix ang Jisu le amün angkya changle; chemthüikoxle chixe ma khünaknu hwom ochax tokya sünüi.”

²²Jowanpa-e ajepa makhange akaxle thomkya chix kax changle kotok to ngai angkya hanpakma ile chang.

²³Otsao Lai Kax a: “Hulax, naocha tuita ma nao tüiüi, ilaxle lükasa tuita puxüi; IMANUEL”, le chix ang nyaküi. (Zang kem khama tüile).

²⁴Ifüima Jusep jiple ngokya zolaxle Jowanpa kaxtaimix-e chix füi akaxdaokya ningle, chixe Meri ma kakonu ang lax.

²⁵Ikoxle pongwang lekya nao mangün-mangünle Jusep Meri füi jip-pomle chichang; üntoxle Jusep-e ija nao ang Jisu le mün thom.