Read Wancho Naga Mathi 23 Bible Online

Mathi 23 - Wancho Naga bible

Mathi 23

¹Jisu-e chix wangshembu hia khünaknubu ang thüi:

²“Wanlom nwotmixbu hia farisibu a Mosa wanlom tai angkya tsakzong fale thomkyabu changle.

³Idaile hwome hünzom füi akaxkya pangnu kax ma laxle to angkya a hünzom mwot changle. Ikoxlechu hwome mokkya mwot thüi ano angkya münchang; chemthüikoxle hwome mae akaxkya ningle münmok.

⁴Chisang tangkya hünlix hwome khünaknu tok ma khale koxle ikoxle hwome ibu nwon ang fongle chakkhi zata füi ngaxchu asun angkya mong chidong.

⁵Hwome tütalichu khünake naxngün le mokle; hwome münwan sükhaokya khale kop ilaxle nyitua ma osutua ashale laxse tsule.

⁶Püntux nui to ngwotnui müikya ma tamchu sinagok to atsuakya ngwotnui ma ngose tsule.

⁷Khünaknue thalex nui to ‘Nwotmix’ le nyakle hwom achuakle shwomkya hwome lomle.

⁸Hünzome tata ang ‘Nwotmix’ le nyak angkya oli münchang chemthüikoxle nwotmix a tuita wüi.

⁹Chaxwannu ma hünzome owa angchu ‘APA’ le taxnyak chemthüikoxle hünzom ang ‘HOPA’ a zangkangting to tuita wüi.

¹⁰Chichangba hünzome tata ang ‘Lompa’ le nyak angkya oli münchang; chemthüikoxle hünzom Lompa ang Messaiah, chix tata wüi.

¹¹Hünzom khama achongkya mix hünzom da ang achang angkya oli changle.

¹²Ikoxle owae malualua to ma chongkya ang laxüihex, chix ahixkya ang achangüi, ikoxle ma alüile hixkya ang achangkya mix achenüi.

¹³“Wanlom nwotmix hia farisibu a künkux-mongkwombu changle! Hünzom maxsax! Hünzome khünaknu thüntho ma zangkangting ka hakle ilaxle hünzom chuwüi ikhato chidong tamchu ikhato dongse le azongkyabuchu wüi hünzome dong ang chitom.

¹⁴Wanlom nwotmix hia Farisi, hünzom künkux-mongkwombu! Hünzom maxsax! Hwome zomnubu chwom ilaxle hwom hom angkyabu paole, ikoxle mixe naxngün le ozulole jople. Ija khoma thajao akhokya hünzome kop angkya changle.

¹⁵“Wanlom nwotmix hia farisi, hünzom künkux-mongkwombu! Hünzom maxsax! Mixhuak tuita Jehudi khünak ang achang angkya kuxma hünzome tinu hia chaxwan faole ahamle; ilaxle hünzome tsuakkya füima, hünzom achangle ngokya to othom anyie bole, hwom osho haolum to letang changle.

¹⁶“Hünzom lomzun mix miksutbu changle! Hünzom maxsax! Zangshwom-Hom mün ma tsao saxkya chem münchangle hünzome thüile; ikoxle owae Zangshwom-Hom mün ma tsao saxle changüi hex, thashe koplax ngokya mix chix changpu.

¹⁷Hünzom anga tamchu miksutbu changpu! Hun tsaotsao füi zingkya zangshwom-hom tuita füi ija hun wüi achongkya hia?

¹⁸Anaolechu hünzome thüitüia, tö koxkya zomtong mün ma tsao saxkya chem münchang; ikoxle zomtong angkya hingho oja tö hex, ija mün ma tsao jangsax thüiningle thashe koplax ngokya mix chix changle.

¹⁹Hünzom a miksutbu! Hingho otsao ang achangkya tö koxkya zomtong füi hingho wüi achongkya hia?

²⁰Ijadaile owae tö koxkya zomtong mün ma tsaosax laxüi hex; ija khama atüitüi pangnu womle tsaosaxkya changpu.

²¹Ikoxle owae Zangshwom-Hom mün ma tsaosax le changüi hex, Zangshwom-Hom tamchu ikhama tüikya Zang bama tsao saxkya changpu.

²²Tamchu owae zangkangting mün ma tsaosaxüi hex, Zang tüntong bama tamchu ija ding ma owa thung, chix mün ma tsaosaxkya changpu.

²³“Wanlom nwotmix hia farisi, künkux-mongkwombu! Hünzom maxsax! Otutu ma alaikya suilaibu angkya hünzome bün ma thomta fapu; ikoxle wanlom khama akhokyabu, chingcha, mongong, kaxfün sule fakya, iningkyabu a awütpu. Ofüi angkyabuchu hwome mokdaose ilaxle otho angkyabuchu dantoxse chichang.

²⁴Hünzom lomzun mix miksutbu! Hünzome ju angkya juo tsüile awüt tüi ikoxle Ut a lingtüi.

²⁵“Wanlom nwotmix hia farisi künkux-mongkwombu! Hünzom maxsax! Hünzome hünzom khopkhua wansabu otok müile fwot ikoxle omongkha a, hünzome ma mongngam hia nüfux ma kopkya chisumüikya olie awang le thomtüi.

²⁶Farisi miksutbu! Pongwang ma wansa omongkha shong atsao koplax ikoxle otokchu wüi tsaolaxüi hex.

²⁷“Wanlom nwotmix hia farisi künkux-mongkwombu! hünzom maxsax! Hünzom a thun füi pale atsyet thomkya zuktok ningle changle. Zuk otok to hukya zongma müile ikoxlechu omong ma a mang shankya onom-osia hia zabue awangle tüile.

²⁸Ija lailaile hünzome kotok to hünzom tüle müile aho ikoxle mongkha a atsekya hia ochaxbue awang laxle tüile.

²⁹“Wanlom nwotmix hia farisi, künkux-mongkwombu! Hünzom maxsax! Hünzome ajebu zukting müile zing tamchu müikya khünakbu chapa aza-apuale zing;

³⁰ilaxle hünzome: ‘Ami pupabu tsün to kwom tüikya hex thüikoxle kwome hwome mokkya mwot chimokse ilaxle ajebu chilangse’, le thüitüi.

³¹Idaile hünzom a ajepabu langkya susabu changpule hünzome wüi awanle.

³²Khaxa, ija daile hünzom pupabue wangkya mwottua ashuklax.

³³Hünzom pubu tamchu pu susabu! Haolum alop angkya sikngün chak tokya khosün ataküile hünzome chemle textsuak laxpu?

³⁴Ija khoma kue hünzom hato ajebu hia manpabu tamchu nwotmixbu ahüiüi; hünzome züizüi langüi, züita pünsak ma taküi, ilaxle züita to a sinagokbu to fitüi, ilaxle hwom a tingkhua tuita angkya ata tingkhua to le jwonle ahamüi.

³⁵Ija khoma chem ngax chitsingkya Abel makhange Zakaria kople chem pak chitikkya khünakbu chemtukux lang daopuix, pangnu wüi hünzom khangkho ma düt angkya changle. Berekiah sasün, owa hünzome Zangshwom-Hom hia tö koxkya zomtong nyi bama langpuix, chixchu wüi womle.

³⁶Otsingtsingma kue hünzom ang thüipu, ibu zothup thama pangnu hünzom athax pongkya tsünthom ma athütüi.

³⁷“O Jerusalem! O Jerusalem! Hünzome ajebu lang tamchu Zang kaxho mixbu daole lang! Onue osabu to ozang fang to ole thomkya ningle, kue nang to ku chake künle thomse le tüle texpu; ikoxchu nange ku ang ile mok ang chitom!

³⁸Ikhoma hünzom zangshwom-hom owüiole danüi tamchu ahuaüi.

³⁹Athax makhange hünzome ku chatle tam münngünüi, kue thüipu, ‘Zang, Jowanpa mün ma nguikya mix to mohiman kox’, le hünzome mathüi tanto hünzome ku ngün ang münkopüi.”