Read Wancho Naga Mathi 3 Bible Online

Mathi 3 - Wancho Naga bible

Mathi 3

¹Ija ponge bapti fakya mix Juhan Jehudi lingkha to hüi. Chixe kaxho apukle akhong: “Künlop-monglüikya tüilax;

²chemthüikoxle Zang Wangting a soxle hüiüna!”

³“Faokha to tuitae akhongkya a ija: ‘Hünzome Jowanpa lomtang achwonlax; chix lyet-lom tangthole zingkox! le, Isaia ajepae akaxkya kax, chix hanpakma akaxkya changpu.’”

⁴Ija Juhan-e Ut mun nyi awun; khiadax ma müikhwon apak; chixe süt ang faokha tokya zefiak hia naxtibu sax.

⁵Ija ponge Jerusalem, Jehudi pangnukha tamchu Jordan shuanu hato hoxhox le tüikya pangnukha tokya khünaknu chix hato ngui.

⁶Hwome ma ochax ngai ilaxle chix chak makhange Jordan shuanu ma baptilax.

⁷Ikoxlechu otue farisi hia sadukibu chix hato bapti lax ang nguipuix, chixe hwom ang thüi: “Hünzom a pubu, hüiüi tüikya Zang mongtsik chak tokya paolax le hünzom hama owae ano le fa laxpu?

⁸Ija khoma ochax tokya mong chatkya aho ang chem mokse dai ibu moklax.

⁹Tamchu Abraham kwom hopa changpule hünzome akaxkya khoma hüiüi tüikya Zang mongtsik chak tokya hünzom azang ang tho angkya oli münchang. Zange ibu longdwon makhangechu Abraham susabu alai ang tho angkya changle.

¹⁰Ikoxle athax a otsing makhange dak angkya hanpakma püntong ma wa amyenle thomle; ija khoma müikya oziak chiziakkya pün dak üntoxle wün khato awüt angkya changle.

¹¹Mongchatkya ahole kue hünzom ti ma bapti le fapu. Ikoxle ku füima nguile ngokya mix a ku füi ngaxchu süthak; ku a chix chisox kop mix ang achang ang ngaxchu chiasukya mix; chixe hünzom ang Otsao Chasa ma hia wün ma baptile faüi.

¹²Chix a tsax chap angkya won chak ma laxlaxle ngole. Chixe tsax otsangtsang süilaxle pung ma afoxüi ikoxle tsaxtsatsa a tamchu chimax angkya wünkha to zok ang koxüi.”

¹³Iponge Jisu, Juhan makhange bapti lax angkya hanpakma chix hato Galili tokya Jordan shuanu to ngui.

¹⁴Ikoxle Juhan-e abaxle chix ang thüi: “Ku ang mix nang chak makhange bapti koxse tsyento, ku ha mix to nang bapti lax ang nguile hi?”

¹⁵Ikoxlechu Jisu-e chix kax to lanle thüi: “Athaxkya bama ile naxchang dao; chemthüikoxle keme iletix Zange lomkya pangnuli mok angkya changle.” Ikhoma Juhan-e chix ang bapti le kox.

¹⁶Bapti laxle Jisu tikha tokya tangthole lai; ifüima chix ang zangding ka daple kox ilaxle Zang Chasa Osu ningle julaxle chix ma paxkya ngün.

¹⁷Ifüima zangding tokya kaxzing tuitae ile akax: “Ija a kue mongkünkya Ku Sasün changle; chix füi ku mongzom müipu.”