Read Wancho Naga Mathi 4 Bible Online

Mathi 4 - Wancho Naga bible

Mathi 4

¹Ifüima thwontsing angkya hanpakma Chasae chix faokha to pao.

²Ikha to nyix punyi, chisax chilingle atsaole ngokya füima Jisu ang wok ano.

³Iponge bao chix hato hüilaxle thüi: “Nang Zang Hosa jangchang thüiba ija long füi an ang achang angkya akax kox.”

⁴Ijama Jisu-e lanle thüi: “Otsao Lai-e akaxle: ‘Khünak a süt lanlan füi, ozün ma ngoüi münchang; Jowanpa wikha makhange laikya, pangnu zangwün makhange tix, ngo angkya changle.’”

⁵Ifüima baoe chix otsao Tingnu Jerusalem to paolaxle, Zangshwom Homnu kho ma angwot

⁶laxle thüi: “Nang a Zang Hosa jangchang thüiba, nange nang lualua to ija makhange tswonle awüthu; chemthüikoxle ile zakya tüile: ‘Nang cha long to chifut angkya hanpakma; Zange kaxtaimixbu nang ha ang tomüi; hwom chak füi nang hale nwonüi.’”

⁷Jisu-e lanle chix ang thüi: “Nange ma Jowan Zang to thwontsing le taxchang”, le zakyachu tüile.

⁸Anaolechu chix haxhua atsuakya khato dünlaxle, chaxwannu angkya tingnubu tamchu ibu zaxzangkyabu aho.

⁹“Chikux athong laxle nange ku to jangshwom thüiningle, ibibi pangwüi kue nang ang faüi”, le baoe akax.

¹⁰Ija ma Jisu-e chix to sa, “Bao, nang ikha angkya atsaiün; chemthüikoxle ile zakya tüile: ‘Nange nang Jowan Zang shwonlax, ilaxle chix thotha lax.’”

¹¹Ija ma baoe chix danle tox ikoxlechu kaxtaimixbu nguilaxle chix to fong.

¹²Ifüima Juhan kople thomdaoa le atatlaxle Jisu Galili chito pao.

¹³Chixe Nazareth danle tox; ikoxle Zebulon hia Neptali longzi pong to, Galili Shinthuk-titung ha angkya Kaparnaum to ngo ang ngui.

¹⁴Ija a Isaia ajepae ile ajele toxkya kax kotok to ngai angkya kuxma ile chang:

¹⁵“Zebulon hia Neptali chaxwan, tinuchi to leüi lom ma; Jordan hia Galili Shinthuk-titung zongma tsaxchi, mixnokbu chaxwan;

¹⁶omang zangkhunge khungle thomkya, chaxwan to ngokyabu hato, zangngaie nyan angkya changle!”

¹⁷Ija makhange Jisu-e hwon-nwot owang wangle thüi: “Hünzom ma ochax tokya mong chatlax; chemthüikoxle Zang Wangting nguile tüile.”

¹⁸Jisu Galili Shinthuk-titung kax to ahamle ngopongma, Simon owa ang Pitar le nyak, ilaxle honao Andriw, jinu khato sha thuple nyax kople ngokya chixe ngün. Hwom a nyaxlwot mixbu changkya.

¹⁹Jisu-e hokhi ang thüi: “Ku füito oman, kue hünkhi ang khünak kop angkya ano fafang.”

²⁰Ija ma wüi hokhie sha danle tox; ilaxle chix füito pao.

²¹Ikha angkya thochi to sülekoxchu, mama hotüi honao nyi, Zebedi sasün Jakop hia Juhan nyi ngün. Okhi a khua ma hopa Zebedi füi sha saile ngokya changkya. Jisu-e hokhi nyak;

²²ija ma wüi hokhie khua hia hopa danle tox ilaxle chix füito pao.

²³Ifüima Jisu-e Galili chaxwan nok khatokya sinagokbu to anwot-ano, zangkangting bama Kaxho Müikya apuk-apua ilaxlechu kaklakbu amüile aham.

²⁴Chix bama kaxho Siria haxtok pangnu khato wüi pu; malili kaklak füikya khünakbu, haxshix chasa füikyabu, kakma kakkyabu tamchu angwonbu hwome chix hato apüi; Jisu-e ibu amüi.

²⁵Ifüima Galili hia nok bün, Dekapoli, Jerusalem, Jehudi tamchu Jordan shuanu tachi tokyachu khünaknu huanuma chix füito azuile pao.