Read Wancho Naga Wangshembu Mwot 6 Bible Online

Wangshembu Mwot 6 - Wancho Naga bible

Wangshembu Mwot 6

¹Ifüima aluile chingo homle, Jisu man tokyabu sütsa-sütsale tsale hüikoxle, Grik kax ma wünkya Jehudi khünak mixwün nguikyabu hia Jerusalem ma ngokya Jehudi khünakbu bama hyet lai. Grik kax ma wünkya Jehudi khünakbu thome, nyixfole ahankya hwom süntom ngun, hwom kha angkya zomnubu ang chifakya bama hwom e-ma chilaxkya kax ngai.

²Ikoxle wangshembu bün anyie Jisu wangshembu othom pangnu wüi tomle se ilaxle thüi: “Ngun-syen paktik üima kwome Zang kax apuk angkya to mong chikoxle tox angkya olom münchang.

³Idaile tüi-hi-naohom, Otsao Chasa hia hwon-je e awangle tüile le atsingshokya mix hünzomkha angkya mixsün anüt zünlax, ilaxle kwome hwom ija ngun-syen twon angkya mwot to süt ang tomüi.

⁴Kwome a zangjop hia hwom-ano angkya mwot to kwom hanpak komle faüi.”

⁵Wangshembue ija kax wünle alaikya khoma noknusa wüi mongmüi; idaile hwome mongong ma zukya tamchu Otsao Chasae awangkya Stefen kam, üntoxle Filip, Prokoras, Nikonor, Timon, Parmenas, ilaxle Jehudi zanglom laxkya Antiok nok Nikula, hwom bibi kam.

⁶Noke ibu wangshembu hato apüi, üntoxle hwome ibu to khangkho ma chak danle zangjople kox.

⁷Idaile Zang kax a thuithui le apukle atsat. Jisu man tokyabu Jerusalem ma sütsa-sütsale tsale, üntoxle nguapabu kha angkyachu Kaxho Müikya pongle kopmix huanuma lai.

⁸Stefen, Zange okhonguile mohimankya üntoxle chasa zong chongkya füikya mixsün tuita changkya. Chixe khünaknu khato khomtsikya hia ohünotün mwotbu mokle aho.

⁹Ikoxle züizüi chix füi apüi ang süt; hwom a da ang ngokya dandaokyabu sinagok ma mün tüikyabu changkya (hwome nyakkya ningle), ilaxle ikhama Sirini hia Alekjendria tokya Jehudi khünakbuchu wüi tüikya. Hwom bomachu Silisia hia Asia tokya mama Jehudi khünakbue Stefen füi kax ma alat ang süt.

¹⁰Ikoxlechu Chasae Stefen ang hwon-je huanuma koxkoxle chixe zangwünkya zuma hwome chix ang chisu khato le aza ang chitho.

¹¹Idaile hwome khünak züita shak ilaxle Stefen-e Mosa hia Zang nyi ang omale thüikya hwome atatpu le akax ang tom.

¹²Ija ningle hwome khünaknu hia mixpa tüichongbu, ilaxlechu wanlom nwotmixbu to lüixle mwop ang tom. Hwom Stefen hato hüi ilaxle kop, ilaxle hwome thwomshing le nguawangbu hato pao.

¹³Stefen khohang le akax angkya khünakbuchu wüi hwome laxlax le ngui. Hwome thüi: “Ija mixsüne ojento kem Zangshwom Hom hia Mosa Wanlom mo amale wünle.

¹⁴Ija Jisu-e Zangshwom-Hom pünle ama üntoxle Mosa makhange to le hüikya bangkya kem pupa zomzang lüiüi le chixe akaxkya kwome atatle!”

¹⁵Nguawangbu tusox ma ngokya khünakbue Stefen to athangle hu ilaxle hwome chix thünza kaxtaimix thünza ningle ngün.