Read Wancho Naga Rom 12 Bible Online

Rom 12 - Wancho Naga bible

Rom 12

¹Idaile, kutüi-kunaohom, Zang chingcha chongkya khoma, kue hünzom zongsaipu: Chix mwottho ma atsaole hia chix mongzom müikya lima, ma alüile ozün ma tö laxkox. Nange fase lükya otsingtsing zangshwom a ija changle.

²Kotok to ngünkya chaxwannu zanglom ningle taxngo, ikoxle nang khangka tutex pangnu alüixle Zang ang nang kün-mong lüi ang laxkox. Ifüima müikya chemhex, chix zongma chem müipuix, ilaxle okhonguikya chem hex: Ija Zang mongtex nange awan ang thoüi.

³Zange ku ang fakya hingho khoma, kue hünzom pangwüi ang thüipu: Hünzome ozyakai le ma alüile chongbongkya ang taxajang. Itülüi, nang mongjang ma mong nonai tüikox. Üntoxle Zange ma ang fale thomkya mongong ma thütlaxle ma kaxfün fakox.

⁴Kem tsangtsa ma kem ang mik-chak malomlom tüihule, ilaxle ibu mik-chak olom pangnu angwüi mamwot-mamwot tüihule.

⁵Ija lailaile kem obiobi changkoxlechu, Khrista ma kem tompo tuita ilaxle tsangtsa angkya mik-chak ningle kem tata füi asop apongle ngopu.

⁶Idaile Zange kem ang fakya chingcha ma ajanglaxle keme malili hinghobu twon angkya changle. Kem hingho a Zang kaxho bama akax angkya jangchang thüikoxle kem ma tüikya mongong ma thütle ija keme mok angkya changle.

⁷Mok angkya olom ma jangchang, keme mok angkya wüi. Apua-ano angkya olom ma jangchang keme apua-ano angkya wüi changle.

⁸Mix ang zong adün angkya jangchangchu, keme ile mok angkya wüi changle; ma tuina mix füi ahan achüikya mixchu okhex-oküi chitüi le mok angkya changle; owa ma apün-awang angkya zong tüilaxpuix, mwot azongle mok angkya changle; owae mix to chingcha aho laxüihex, chixe ija mongmüi pwonla le mok angkya changle.

⁹Mongkünkya a zongbakle kün angkya changle. Chem oma hex ija thua anu, oja müipuix ija to mongle künkop angkya changle.

¹⁰Khrista ma tüi-hi-nao ningle tata füi lomlule mong akünkox, ilaxle tata chathua za ang tsukox.

¹¹Azongle mwot mok kox, ilaxle zaxkak mong taxdom. Mong ma Chasa wünchuae awangle Jowanpa thothakox.

¹²Hünzome monghom le texkyae hünzom mong amüi thomkox, hünzom sikngün tuke adule thuakjokkya tüikox ilaxle othuithuima zangjopkox.

¹³Hünzome chitüi chinangkya tüinao füi hünzom bwotba ahan achüi le laxkox, ilaxle mixhing wünpabu hanpakma hünzome ma hom ka daple laxkox.

¹⁴Hünzom to zothupkyabu hanpakma Zang ang chingcha hüile thüikox; changpu, thuakzomle chichang homtoxle chix ang mohiman hüile thüikox.

¹⁵Mongmüi mixbu füi tomle mongmüikox, sopkyabu füi tomle sopkox.

¹⁶Pangnu hanpakma tuitex tomwüi tüikox. Taxngam taxzam, itülüi jonai mwot pongle kopkox. Nang lualua to jetüi hwonlangpa le taxthüt.

¹⁷Owawae nang zongto oma mwot jangmok thüikoxle, ochaxchax füi wüi ija to olüix taxkhom. Noke wüi oja müile le texpuix ija mokkox.

¹⁸Pangnu lito, nangchi makhange, nok füi wüi mongsom ma tumüi le ngotsuak angkya lima mokkox.

¹⁹Kutüi kunaohom, otuechu olüix taxkhom, itülüi ija Zang mongtsike wüi naxmok kox. Chemthüikoxle Otsao laie akaxle: “Olüix kue khomüi, otha kue thomüi le Jowanpa-e akaxle.”

²⁰Chatlechu Otsao Lai-e ile akaxle: “Nang zan ang wok jang-anoba, chix ang süt laxkox; chix ang ti jang alanba, ling ang ti laxkox; ile mokkyae nange chuale ngokya wündix chix khang ma athünüi.

²¹Omae nang to lüt ang taxkox; itülüi omüi füi oma to lütkox”.