Read Wancho Naga Rom 13 Bible Online

Rom 13 - Wancho Naga bible

Rom 13

¹Chaxwan apün-awangkyabu kax ma pangnusae wüi lax angkya changpu, chemthüikoxle Zange chifakya apün-awang angkya olom chemchu müntüi, ilaxle apün-awangle ngokyabu angchu zong Zange fapu.

²Idaile apün-awangle ngokyabu zongto opüima tüikya a Zange zingkya zongto apüile tüikya changpu, ilaxle ile mokkyabue ma hato alüile kaxfün apüiüi.

³Chemthüikoxle apün-awangkyabu a mwotmüi mokle ngokyabu, za angkya hanpakma münchang ikoxle chichang-chizang saxmokle ngokyabu za angkya hanpakma changle. Apün-awangkya mix thua chiza homtoxle nang ngose tsucha? Ile jangtsu thüiningle, chem müipuix ija moklax, ikoxle chixe nang achuak achenüi.

⁴Chemthüikoxle nang füi naxmüi le mok angkya hanpakma chix Zang thothapa changle. Ikoxle nange chichang-chizangle jangmok, chix thua zalax, chemthüikoxle sikngün fa angkya zong chix ma tüikya otsing changle. Chix a Zang da ilaxle chichang-chizangle saxmokkyabu to Zang mongtsik kaxtom moküi.

⁵Ija khoma hünzome pünpa-chongwangbu kax ma lax angkya changle: Zang mongtsik khoma tata le münchang ikoxlechu nang mongkho ma dongkya tokhange.

⁶Nange süibu koxkyachu ikhoma le changle, chemthüikoxle hwome hwom mwottho to mongkoxle mokkya a pünpa-chongwangbu Zang hanpakma mokkya changpu.

⁷Idaile hwom ang koxsese laxkox; süi malomlom laxkox, ilaxle ibu pangnu ma hwom ang chathua zakya hia achuak achenkya ahokox.

⁸Owa füichu thashe ma taxngo: nang ma tüi angkya thashe tuita a tata füi mong akün angkya changle. Owae ma üitho to mongkün laxpuix, chixe wanlom kax ma laxdaoa.

⁹Kaxtom: “Chinunchakkai taxtüi; mix taxlang; taxahux; taxafux” ibu pangnu, ilaxle ibomachu mamabu, ibu pangnu kaxtom tuita “Nang füikya to ma ningle mongkünkox”, le thüikya ma athütle tüile.

¹⁰Ma füikya to mongkünkya mixe chix zongto oma mwot chemchu münmoküi. Idaile mongkün angkya a, wanlom pangnu kax ma laxkya changle.

¹¹Nange ija mok angkya wüi, chemthüikoxle ija chemtu-chemwan hex nange münawan; nang jiple ngokya zo angkya hanpak zanghan hato nguile hüidaoa. Ami owang pongma keme mongongkya chaxwan zanghan füi athax kem khosün angkya hato wüi süsoxle tüidaoa.

¹²Zangnaknu kai laxle zangngai hax khakha changle. Keme mokle ngokya zangnak mwot dantox daoa, ilaxle zangngai ma azan angkya chang pax laxle koplax.

¹³Chinunchakkai hia jutok saxngat chitüile, müi-hi-aji küntsu monglua lom ma hia chitsaokya lom ma chichangle, ahe atsikya hia afux-alaokya chitüile; anyixningkya zangngai ma ngokyabu ningle kem zanglom saikha müile ngo angkya thüt-hax.

¹⁴Ikoxle Jowanpa Jisu chang hi pax koplaxle, ilaxle chix mongtsukya, mongzom amüi ang, ochaxbu zanglom to hünzom mong ko