Read Wancho Naga Rom 14 Bible Online

Rom 14 - Wancho Naga bible

Rom 14

¹Mongong ma shonaikya mix hünzom khato pongle koplax, ikoxle chix huak mongtex bama chix füi kax ma alale taxchang.

²Khünak tuita mongong makhange chix ang pangnu li sax ang dan-pankya tüikoxlax, ikoxle mongong ma zong chitüikya mixe suihing laihingbu tata saxüi.

³Pangnu li saxkya mixe chisaxkya mix thajao angkya münchang; Zange pongle kopdaokya daile suihing laihing tata saxkya mixe pangnu li saxlingkya mix bama kaxfün fa angkyachu münchang.

⁴Owawa da bama kaxfün fa angkya nang a owa? Chixe chilün hia lünpuix ija bama kaxfün fa angkya a chix hopupa mwot changle. Ilaxle chixe lünüi, chemthüikoxle Zange chix ang lün angkya koxtsuaküi.

⁵Khünak tuitae mamabu nyix füi nyix tuita akhokya changpu le ajang, ikoxle ata mixsüne a nyix pangwüi tomwüi changpu le ajang. Mixhuake ma mongjang ma oshingmong angkya changle.

⁶Owawae hanpak nyix tuita to ataxle jangthüt thüiba, Jowanpa achuak achen ang mokpu; owawae pangnu li saxlingle changkya Jowanpa achuak achen ang mokpu, chemthüikoxle chixe süt hanpakma chixe Zang to münchong fale. Owawae oli tuita münsax le jangthüiba Jowanpa achuak ang mokpu, ilaxle chixe Zang ang münchong fale.

⁷Kem opupuchu ma tata hanpakma ozün ma münngo, kem opupuchu ma tata hanpakma münzi;

⁸Kem ozün ma jangngo, ija kem ngokya a Jowanpa hanpakma, ilaxle kem zikoxle Jowanpa hanpakma zikya ang changüi. Kem ozün ma wüi ngokoxlax chichangba ziwüi-zikoxlax, kem Jowanpa kux changle.

⁹Chemthüikoxle Khrista zilaxle chatle azangle zokya a ozün omang pangnu thakma Jowanpa ang achang angkya hanpakma changle.

¹⁰Ile chang füima hünzom khama züizüie büthüikoxle ma üitho khristanbu bama kaxfün fapu, ilaxle mamabue büthüikoxle ma üitho khristanbu adix-adapu?

¹¹Chemthüikoxle Otsao Lai-e thüile, “Ku ozün ma tüilaxle, Jowanpa-e thüi: Pangnusa wüi ku chitong ma chikux athongüi; ilaxle pangnusae wüi, ku a Zang changpu le ngaiüi.”

¹²Ilaxle kem pangnusae wüi Zang ang ma mwotmwot bama kaxwün wang angkya changle.

¹³Idaile kemepi tata bama kaxfünkya zakünhax. Itülüi, nang mongto mongzangwünle tsuak angkya a ija changle: Nang tüi-hi-nao asuakya li, chichangba ochax to adüt angkya oli chemchu chimok angkya hanpakma.

¹⁴Jowanpa Jisu füi ku motomkyae, chix popo ma chitsaokya oli chemchu müntüile kue lituta awan ang kople; ikoxle khünak tuita tütali tochu müntsaole mong ma jangong dao thüiba ija jali chix hanpakma chitsaokya ang achangle.

¹⁵Nange sütli tuita makhange tüinao mong aduak ang jangkox thüiba, athaxpi nang zanglom ma mongküne lomzunkya müntüi. Chix khoma hexle Khrista ma zikya khünak tuita tsün nange saxkya süt makhange taxama!

¹⁶Oja nange müipule laxpuix, ija makhange münma kop ang taxkox.

¹⁷Chemthüikoxle Zang Wangting le osüt oling ang nyakkya münchang, ikoxle Otsao Chasae fakya, otsao, mongsom ilaxle mongmüi pwonla ang nyakpu.

¹⁸Üntoxle khünak opange ile Khrista mwottho thaüihex, hwome Zang mong amüi ang tsuaküi ilaxle khünakechu hwom mwot ang changkox a le thüiüi.

¹⁹Idaile keme othuithuima mongsom apüi ang hia tata ang zong adün ang fong angkya oli pangnu to kem mongjang tüikya changle.

²⁰Süt khoma hexle Zange tsuakle thomdaokya oli taxama. Sütli pangwüi sax ang tsuak, ikoxle owawa ochax to adütkyali saxlingkya a thaipu.

²¹Ma füikya mongong üitho tuita ochax to adüt angkya oli mwot chimok, müi-nyax chisax, ju-khan chilingle ibu füi atsai ngokya wüi tuita sukya mwot changpu.

²²Ija bama nang mong chemhex, Zang hünkhi bama kangthom. Chixe changpu le texkya mwot mokkya zuma ma mongto thajao chitüi le changkya khünak mongmüi mix changle!

²³Ikoxle chixe saxkya bama mongto aokya jangtüi, chixe ija saxkya zuma Zange chix thajaole, chemthüikoxle chixe mokkya mwot chix mongong ma athong laxle mokkya chichang. Ilaxle tütalichu mongong ma athong laxle chichang jangthüiba ija a ochax.