Read Wancho Naga 2 Korin 12 Bible Online

2 Korin 12 - Wancho Naga bible

2 Korin 12

¹Ijae ku ang chemchu fün amüi angkya müntüi, ikoxlechu ku mong ngamle ngo angkya wüi changle. Ikoxle athax kue Jowanpa Jisu Khrista-e ku ang fakya mikngün ohün hia ngaile ahokyabu bama akaxüi.

²Zangbün ali leüna, khristan sün tuita zangkangting to nwonle dünkya kue awan ngole (otsing tomtata ma ija ile changdao pia hia chixe mikngün ohün ngünlaxpuix kue münawan, Zange tix awan).

³Chatlechu kue thüipu, ija mixsün a zangkangting to nwonle dünkya changpu le kue awanle (anaolechu ija itomtata le changdao pia hia ija a mikngünohün changdaopuix kue münawan, Zange tix awan),

⁴ilaxle khünak dingdün makhange chiwün tsuak angkya, ilaxle ija bama akax ang owa angchu chitom iningkya zing ikhato chixe atat.

⁵Ikhoma ku ija mixsün bama mongngam angkya changle, ikoxle ku hanpakma shonaikya ahokya bama ku münngam.

⁶Ku ngam ang tsukoxle, ku ongat ang münchangse, chemthüikoxle kue otsingtsing zangwünüi. Ikoxlechu ku münngam, chemthüikoxle kue mokkya ngün üntoxle ku zangwün atatlaxle chixe ku bama anga le laxkya tokto owawa mong tochu ku hanpakma siachong le thütkya namtüibae le kue müntex.

⁷Ikoxlechu ohünotün jali kue ngünhu daokyabu bama mongngam tüi angkya chikoxle ku abax angkya hanpakma, ku ang tsangtsa ma tsütle kakkya okak tuita fale thomle. Ku to fit ang üntoxle ku ngam ang chikoxle abax ang, ijae bao mwottsan mix tuita ningle mokle.

⁸Ku angkya ija shong apaofa le ija bama othom azom ma kue Jowanpa to jopdaoa.

⁹Ikoxle chix kaxlan a: “Nang hanpakma ku chingcha wüi nguile ngoüna, chemthüikoxle ku tsakzong omo apong angkya a nang shonaikya ma tix changle.” Ku khose angkya Khrista zong tüikya mongto awün angkya bama, ku shonaikya bama, ku mongngam angkya ku zongma huanuma mongmüi changle.

¹⁰Idaile Khrista khoma sikngün angkya to ku mongmüipu. Naxsho naxnailax chichangba naxajao naxahailax chichangba laxli ma khütlechu naxchitüi lax; zothuple hia sikangün lechu naxchangkox; chemthüikoxle otue kue ma tsakzong komle amütüihex, izuma Khrista tsakzong kuma tüiüi.

¹¹Kue ongat ningle mok ngopu, ikoxle hünzom tokhange kue ile mokpu. Ku bama achuak achenle wün angkya a hünzom changse. Chemthüikoxle ku chemangchu chichangle tüikoxlechu, hünzome “ataxkya wangshembu”, le ekyabu füi ku tütali lom machu ahixkya münchang.

¹²Adukya füi kue ku mwottho mokle ngopongma, ku makhange Zange ohünotün mwotbu hünzom khato mokle hüidaoa. Ohünotün mwot ibu tokhange ku wangshem tuita changle le kaxkhi fale.

¹³Hünzom ang ongun osyen lom ma ku to süfongse le chiju chilomkya wüi chichang thüiba, hünzom to nüile kue mama müimüithombu to chemlom ma hudaopu? Mama müimüithombu ningle ngun syen bama hünzom ang hünlix chifakya bama ku ang thailak laxhüi.

¹⁴Ija othom azom lükya changle, hünzom wai ang ngui angkya ku achwonle tüile ilaxle kue hünzom ma chemchu ju-lom angkya müntüiüi. Kue lomkya a hünzom changle, hünzom ngun syen münchang. Chemthüikoxle honu hopa hanpakma susae chichangle susa hwom hanpakma honu hopae jali koxtwon angkya changle.

¹⁵Hünzom to fong ang kuma atüitüi, ku to apüile ashix angkya ku zongma omüimüi wüi. Kue hünzom to onüi akhex koxle hünzome ku to sühixle mongkünüi hia?

¹⁶Hünzom hanpakma ku hünlix ang chichangkya bama hünzomechu changkoxa le wüi thüiüi. Ikoxlechu owawae ku ang atsingle ilaxle kaxtaimixbu füi hünzom amanle le thüiüi.

¹⁷Büle? Kue ahüikya mwottsan mix owawa makhange kue hünzom to ku füi müi angkya tata thütlaxle hwonkya tütüihexcha?

¹⁸Tita ang shongakaxkox le kue tsanpu, ilaxle kue chix füi tomle mama khristan tüinao hwomchu apaopu. Tita-e hünzom to chix fün amüi angkya to hulaxle hwonle le thüiüi hia? Kukhie mongtex tuita makhange mok ilaxle taningle mokkya münchang hex nyi?

¹⁹Pongwang tokhange wüi kwome hünzom thüntho ma kwom khangkho zang angai ang lomle ngopule hünzom mongto ajanglechu ngoüntüi lax. Ile otuechu münchang! Kwome wünkya zangwün pangnu Zang pomtho ma Khrista mongtex ma wünpu, ilaxle mongkün zuikhuibu, kwome mokkya pangnu wüi hünzom to fong ang mokkya changwüi.

²⁰Ku ikhato nguikya zuma, hünzomchu ku tutex füi opüi ma ilaxle kuchu hünzom zongto hünzom tutex füi opüi to nakbang le ku zamaxündai. Ku thoma ohyet-otsi hia osing nüfux, mongtsik hia saxkün, ajao ahaikya hia zaxhun, mongngam ilaxle tuwuk-lajatbu nakbang le zamaxündai.

²¹Ku hünzom hato nguikya zuma, ami pongma changdaokya ningle nakchang; Zange ku ang hünzom khoma zak nak-akople zamaxündai. Amipongma mokle ngokya ochaxbu otya ma mokle ngokyabu opange chinunchakkai; chakzong-kwonte tamchu ma ma thünzak chitüi le mokkyabu danle chitox homtoxle tüilaxpuix, hwom hanpakma ku mikfi ajen angkya to ku zamaxündai.