Read Wancho Naga 2 Korin 13 Bible Online

2 Korin 13 - Wancho Naga bible

2 Korin 13

¹Hünzom wai ang nguikya ija ku othom azom lükya changle. Otsao Lai-e akax ngokya ningle: “Tsaitox kaxfe angkya zangwün chemchem jangtüi thüiningle mixhuak anyi hia azom kaxkhi füi tix zangwün tsuak angkya changle.”

²Amipongma ochax lyenle ngokyabu ilaxlechu mamabu pangnu ang kue kaxkhün fapu; kue othom anyi lükya hünzom waipongma ija kaxkhün fadaoa, ikoxle athax tsaito tüilaxlechu ija kaxkhün chatwüi chatle akaxpu: Tamchatle ku nguikya zuma opupuchu münsho-münnai,

³Khrista-e ku makhange zangwünkya changlax ma ang hünzome lomkya pangwüi hünzom ang faüi. Chixe hünzom füi asax amok pongma, chix shonaikya le münchang; itülüi, hünzom khato chixe chix tsakzong ahole.

⁴Chix pünsak ma takle lang pongma zong shole maxkya otsing tomta changle. Ikoxlechu athax a Zang tsakzong makhange Khrista a ozün ma tüile. Kwom chuwüi chix füikya notom ma, shonai le tüile. Ikoxlechu otue kwom Korin to ngui ilaxle hünzom füi asax-amok, izuma ozün ma tüikya Khrista füi tomle kwom asoxüi ilaxle iningle kwom ma mok angkya Zang tsakzong tüiüi.

⁵Hünzome ma to alüile wanle anolax üntoxle kaxfün le anolax, izuma hünzom mongong ma ozün ma ngokya chichang changpuixle ataküi hex. Hünzom ma Khrista tüile le hünzome matsing hex nyi? Ile chichang thüiningle hünzom komkaile thaingoüna.

⁶Kwom a ojao chithai le tüidaokya changa le hünzome awanüi.

⁷Wangshempa tuita ningle ku thaile ngoünkoxlechu naxchangkox; othuithuima ku zangjop a hünzome thaikya chimok angkya hanpakma changle. Hünzom hanpak to ku tutex a, ku mikngün zongto tholünkya ningle chichangle hünzome sukyakya naxmok le changa.

⁸Chemthüikoxle otsingtsing hanpakma lüwüi chichang thüiba, kwome otsingtsing zongto opüi otuechu mok ang müntho.

⁹Kwom a shonai ikoxlechu hünzom tsakzong le changkya zuma kwom mongmüile. Ikhoma hünzom chuwüi nguiwangkya ang achang angkya kwom zangjop changle.

¹⁰Ija khoma ku hünzom füi atsaile tüipongma wüi kue ija lai zapu. Ija a, Jowanpa-e ku ang, hünzom pünle ama ang chichangle, hünzom zingle amüi ang fale thomkya zong, ku nguikya zuma zongma laxle chitwon angkya kuxmale changle.

¹¹Kutüi kunaohom, athax a ngodao! Nguiwangkya atak ang atinlax; ku zangwün to natha hüi; tata füi tsaitun-kaxtun tomle tüihüi; mongsom ma ngohüi. Mongkün hia mongsom Zang hünzom füi ngohüi.

¹²Tüita naota le tun apongkya füi tata ang salam kax zexkox. Zang khünaknu pange wüi hünzom hato salam fale.

¹³Jowanpa Jisu Khrista chingcha, Zang mongkün, ilaxle Otsao Chasa womkya hünzom pangfüi wüi ngohüi.