Read Wancho Naga 2 Korin 3 Bible Online

2 Korin 3 - Wancho Naga bible

2 Korin 3

¹Ija zangwün chatlechu kwom tsaichong-kaxbong zing ningle atatünpia? Hünzom hato kwom süntsing münwan koxle mix angkya laiza lax angkya kwom ang mwot müntüi, chichangba mix hato kwom süntsing münwan koxle kwome hünzom angkya laiza lax angkya chem mwot müntüi.

²Noke awan ang tamchu ile kwom mongkha ma zale kopkya laiza a hünzom changle.

³Kwom makhange thwonkya laiza, ngünkya longkhua ma chichangle mong longkhua ma, khanti füi chichangle ozün ma tüikya Zang Chasa füi Khrista chix tomtatae zakya laiza a hünzom changpu le atsingsho.

⁴Khrista makhange Zang to mongong chalom tüikya khoma kwome ija kax akaxpu.

⁵Ija mwot mok ang tsuaküile akax angkya kwom ma chemchu müntüi. Moktsuak angkya zong Zang tokhange tix hüipu.

⁶Zale thomkya wanlom ma chichang le chasa ma hozün tsaotsüt thotha ang tsuakle kwom achangle fakya a chix changle. Zale thomkya wanlome zik apüile, ikoxle chasae khüzün koxle.

⁷Wanlom a chakza makhange longkhua ma zapu, ilaxle ija koxkya zuma Zang fuazangkya ngün ang koppu. Mosa thünza nyankya juix füima ngaxchu, Israel khünaknue chix to ajingle hu ang chitho le nyan. Zingle dankya füima wanlom ojae zik apüipuix, ija ngaxchu ipong fuazangle ngui,

⁸Chasa tsaosüt zingle dankya zuma fuazangkya ifüi sütsexkya changle.

⁹Mikmax angkya zangwün olom ipongpong fuazang; khosün angkya mwotlom tomning ito nüile fuazang changle.

¹⁰Athax ataxle nyankya fuazang tüikya khoma amipongma nyanle fuazang ngokya kaile toxdaoa le keme akax ang tsuak.

¹¹Janba ma ngotox angkya fuazang ngaxchu ipongpongle chang, oshuk chitüi le fuazang angkya tomning otukux fuazangle tüiüi!

¹²Ija monghom tüikya khoma, kwome mongchyen füi zangwünpu.

¹³Chix thün nyankya juixle paoüi hia maxüi Israel khünaknue chingün angkya hanpakma thün to nyie khungkya Mosa ningle kwom chichang.

¹⁴Otsing tomtata ma hwom mongka chidap; ilaxle anyix kople hwome ozang Tsaotsüt laibu ekya zuma, hwom tutex mongtsang ija ozang nyie wüi khung laxle tüile. Khünak tuita Khrista füi notomkya zuma tix ija thünkhung nyi awütüi.

¹⁵Anyix kople hwome Mosa wanlombu ekya zuma, hwom tutex mongtsang nyi füi khungle wüi tüile.

¹⁶“Chix Jowanpa hato chatkya zuma, chix angkya thünkhung nyi awütle kox”, le Mosa bama zakya Otsao Lai kax tüikya ningle, Ija thünkhung nyi awüt ang thoüi.

¹⁷Athax: “Jowanpa”, le ija kaxzyen ma akaxkya a Chasa ang thüipu; ilaxle ojongma Jowanpa Chasa tüiüihex, ikhama mongtex pankya tüiüi.

¹⁸Idaile kem noknusae wüi thünkhung nyi chithom homle, Jowanpa fuazang ocha ngün ang tomhax; üntoxle Chasa owa, Jowanpa tokhange hüipuix, ija fuazang tuitatae wüi, kem chix lailaile otax-onüi fuazangkya ma lüile azün ang koxüi.